Joyn 8:11 - The New Testament in the Babanki language

¹¹ Wùwì ghèn bwensə ə gàʼ la, “Nò wìʼ ə mùʼ ə ko faŋ a Tikəbəŋ.” Yesò ə gàʼ a wen la, “Nò tèbe nkàyntə̀ mo ko gaʼà la wù fəŋ li nsòʼ. Bwenə pfwo. Wù pfwo kə wù be a nè mbyɨ.”

Joyn 8:11 Referans Kwoze

Joyn 3:17

Nyìngòŋ ə ko ə ntɨm wàyn wen a mbyi la ghə̀ vi byɨbsə viʼi mbyi, ghə̀ ntɨm la ghə̀ vi, ghə̀ bwòŋsə viʼi e chò fa wen.

Joyn 5:14

Yesò ə ne be yen ə wen a ngə̀ŋ Nyìngòŋ ə gàʼ a wen la, “Wù to li luwen. Kə wù bè a nè mbyɨ, a bwen ali kənyʉ̀ kə a fʉ̀ a wù, to chò kwaʼa a yi.”

Joyn 8:15

Ghə̀ŋ soʼo nə̀ ətof ə mbi, ma ko soʼo tebè wìʼ.

Ŋwàʼlə̀ Luk 15:7

Ma gàʼà ghə̀ŋ la kə lu ndiʼ tò alì a kaŋ. Saŋlə lu ndiʼ a kàŋ byìʼì wù ne nyʉ̀ byɨvə mùʼ a ghə̀ kwitə tyɨmə wen ə bwenə vi à Nyìngòŋ chò ando ghə̀ lu ndiʼ byìʼì viʼi və ghoʼvə vyi a və kwìʼtə la və ko bè diʼi kwitə tətyɨm tə vəwenə fa mbyɨsə.

Ŋwàʼlə̀ Luk 5:32

Mà ko vi ə tisə viʼi a və sə̀ kiʼi ntsìnə̀ tɨmə, mà vì byiʼ viʼi nè nyʉ̀ byɨvə ənè la vəwenə kwitə tətyɨm tə vəwenə.”

Lumans 2:4

Kə le diʼi la wù ko lyɨ tebè tùʼmə̀ ə kaynəghə Nyìngòŋ be nə̀ ə ghaʼa ə tyɨm ə Nyìngòŋ nə̀ jùŋ yì a ghə̀ ne a wù a kənyʉ̀ mu? A wù kɨli la Nyìngòŋ ə tùʼmə̀ kəŋ la wù kwitə ə tyɨm ə wu fa mbyɨsə a?

Ŋwàʼlə̀ Luk 13:3

Mà shə̀ʼtə̀ à ghə̀ŋ la kə ko diʼ ali no fa mpfen, ghə̀ŋ faŋ kè kwitə tətyɨm təŋtə fa nyʉ̀ byɨvə, ghə̀ŋ vətsèm lù lè tò ndə̀ŋndəŋ.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Joyn 18:36

Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Ŋwàʼlə̀ Luk 13:5

Kə ko diʼ ali no fa mpfen, alì mà gàʼà ghə̀ŋ la, ghə̀ŋ sətsèn faŋ kè kwitə tətyɨm təŋtə fa ghə̀ŋ nyʉ̀ byɨvə, ghə̀ŋ vətsèm be lə̀ lè tò ndə̀ŋndəŋ.”

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.

1 Kolìntyàns 5:12

Nò tèbe fa mpfen, mò to nə̀ wu byɨmə ə̀ ko diʼ ə soʼo viʼi a vəwenə ko diʼ a vəghəŋ a nòyn. Ghə̀ŋ diʼ ə nsoʼo to viʼi vyi a və diʼi a vəghəŋ a nòyn.

Ŋwàʼlə̀ Luk 9:56

Yesò wenə ndzɨ̀mtə̀sə bàm wen lù ə dyʉ̀ a ntə̀ʼ kədyàŋ.