Joyn 7:39 - The New Testament in the Babanki language

³⁹ Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Joyn 7:39 Referans Kwoze

Shwèʼ 2:17

Nyìngòŋ ə gàʼ a la, ‘A lu ndiʼ a mətsi mə̀ kənsèsə̀, Mà ku kəzhwì komkə à viʼi no vətsèm. Vu vəŋə ə lʉmə nə̀ ki lu nshə̀ʼtə̀ nyʉ̀ à viʼi a Nyìngòŋ ə̀ shə̀ʼtə̀ à vəwenə. Mà lu nè ə mbvòʼò wìʼ ə yèyn nyʉ̀ to sə tsi jòm, be ne jòmsə ə ntsi viʼi vətovə ghə̀ŋ.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Joyn 16:7

Alì, ma gaʼa to a ghə̀ŋ nəmwèʼè la, à diʼ njùŋ a ghə̀ŋ ando mà sə lu. Mà sətsen faŋ kə dyʉ̀, ko Ngyàmtə̀ a vì a ghə̀ŋ. Alì mu mà dyʉ̀, a mà dyʉ̀ tɨm ə wen a ghə̀ŋ.

Joyn 12:16

A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.

Lumans 8:9

Alì fa ghə̀ŋ, ghə̀ŋ ko ghʉ tebè kətʉ ə kəŋkə̀ a nyʉ̀ ə njòsə wen. A tisə Kəzhwì kə Ŋwoʼkə tisə ghə̀ŋ a zhʉ a ghə̀ŋ kiʼi Kəzhwì kə Nyìngòŋ na kènkə nəmwèʼè. Nò tèbe ndo a ghə̀ ko kiʼ kəzhwì kə Yesò kodiʼ wù ə Yesò.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Joyn 20:22

Ghə̀ gàʼ ali ə zhwìsə̀ a vəwenə kətʉ, ə gàʼ la, “Ghə̀ŋ kiʼi kəzhwì kə Ŋwoʼkə.

Joyn 12:23

Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

2 Kolìntyàns 3:8

ko kəzhwì kə Ŋwoʼkə a vi nə̀ baynə ghə̀ chò ghə̀ əsoʼ a?

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

Joyn 7:12

Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Joyn 1:33

Ma ko tə ndiʼ kɨ wen. Ma tə sə kɨ wen mu ma kɨ to byìʼì kənyʉ̀ ki a Nyìngòŋ tə sə tɨm mo la ma vi əku mu nə̀ mu mə fwàyn ə gàʼ la, ‘Wù lù yen no ndò to ando kəzhwì kə Ŋwoʼkə shiʼi vi nyʉ̀ʼmə faŋ a wen a kətʉ, wù mu kɨ la à diʼ wen yi a ghə̀ vi ə ku mu nə̀ Kəzhwì kə Ŋwoʼkə a viʼi.’

Joyn 1:25

Vəwenə ə bèm mwètə̀ a wen la, “Wu ə ko diʼ wìʼ a və tsuʼ li, ko ndiʼ la wu diʼ Ilajà, ko Nshə̀ʼtə̀ ə ghoʼo yì a və ə kə̀ʼtə̀, ə sə kù mu mə ghò?”

Joyn 1:21

Vəwenə be bèm kwʉ̀ʼsə a wen la, “Wù ə diʼ no ndò? A diʼ wu Ilajà mu?” Joyn gàʼ la ghə̀ ko diʼ Ilajà. Vəwenə be mù bèm la ghə̀ diʼ Nshə̀ʼtə̀ ə ghoʼo yì a və ə kəʼtə li mu? Joyn ə bè tensə tò tensə.

Ŋwàʼlə̀ Luk 24:49

Luwèn ma nè a tɨm kəzhwì kə̀ŋwoʼkə a ghə̀ŋ to ando tiʼi ghom nghʉli, alì ghə̀ŋ ndiʼi tò a shə̀ zaʼa fa zhʉ a kəzhwì kə̀ŋwoʼkə ne vi ə ku adyòʼ a ghə̀ŋ.”

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 3:16

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

Matìyò 16:14

Vəwenə bwènsə̀ gàʼ la, “Viʼi vətsenvə gàʼà la wù dìʼ Joyn wù ku à mù, viʼi və tsenəvə gàʼà la wù dìʼ nshə̀ʼtə̀ Elijà, vətsenvə be gàʼà la wù dìʼ nshyə̀ʼtə̀ Jèlimayà ko nshyə̀ʼtə̀ ghoʼo tsen.”

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Joyn 8:54

Yesò ə bwensə gàʼ la, “a zhʉ a ma yi ndiʼ ə kuʼsə wenə ghomə mu a ko diʼ to kənyʉ̀ kətsenkə. Wìʼ yi a ghə̀ kuʼsə mo a diʼ Tìʼ ə ghom, to ndə̀ŋndəŋ ə wìʼ yi a ghə̀ŋ ə gaʼa la a diʼ Nyìngòŋ ghə̀ŋ.

Joyn 16:14

Ghə̀ a vi ə nè ghə̀ŋ kɨ nyʉ̀ ə vwomə, be nè a ji a ghèn, ghə̀ŋ yen kədyòʼ kì a ma kiʼi.

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Shwèʼ 19:2

ə bèm à vəwenə la, “Andìʼ ando ghə̀ŋ mbyɨmə̀, Kəzhwì kə ŋwòʼəkə mvi li à ghə̀ŋ?” Vəwenə bwènsə̀ la, “Yes nko tɨmə̀ zhʉ̀ tè kənyʉ̀ byìʼì Kəzhwì kə ŋwòʼəkə.”