Joyn 7:12 - The New Testament in the Babanki language

¹² Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Joyn 7:12 Referans Kwoze

Joyn 9:16

Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

Joyn 7:47

Viʼi Falàsi ə bèm la, “ghə̀ be lobtə nkàyntə̀ ghə̀ŋ?

Joyn 7:32

Viʼi Falàsi ə zhʉ li to ando viʼi ə nyoʼtə gàʼa nyʉ̀ a venə kumə Yesò. Ali vəwenə nə̀ tʉtʉ vəpfèm və ngə̀ŋ Nyìngòŋ mù tɨm vesugyèʼè la və dyʉ̀ ghaʼa wen.

Filìbàyns 2:14

Ghə̀ŋ ə nè ənyʉ̀ tsèm tò achi achi, kə ghə̀ŋ ə dèmkə̀ ko ə ntaŋmə̀.

Lumans 5:7

Kə to no nànto mibu wìʼ ə byɨmə ə pfʉ no tèbe akəshi ə wù tɨmə no tèbe ando à boŋsə diʼ to akəshi ə wù ə jùŋ a wìʼ ə zizi ghə̀ ə kòŋ ə pfʉ.

Shwèʼ 11:24

Balnabas ghèn ndìʼ wu jùŋ, kiʼ byɨmə no a nkàyn be diʼ mu Kəzhwì kə ŋwòʼəkə lwin li à wen a tyɨm. Viʼi byɨmə à Nyìngòŋ byìʼì wen no vəghoʼo.

Joyn 7:52

Vəwenə gàʼ a wen la, “nkàyntə̀ wù lu fa Galìlì mu? Wù tuʼ ə ki a Ŋwàʼlə̀ Nyìngòŋ, a zizi wù yen la nshə̀ʼtə̀ ə ghoʼo ko lu fʉ fa Galìlì a?.”

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Ŋwàʼlə̀ Luk 23:50

Wutsen ndiʼ a və ndzàŋ wen nə̀ Josèf a ghə̀ nlu fa ntə̀ʼ Alimàtya a loʼ və Jus. Ghə̀ ndiʼ wìʼ fa ntsèntə̀ tʉtʉ, a ghə̀ ndiʼ wùjuŋə bè diʼ wù kənyʉ̀ kə tɨmə kə.

Ŋwàʼlə̀ Luk 23:47

A ndiʼ a zhʉ a kətʉ və sugyèʼ n-yenə kənyʉ̀ a kə nlyɨ̀ kəshi, ghə̀ ghoʼsə Nyìngòŋ ə gàʼ la “Nəmwèʼè, nəmwèʼè wìʼ ghèn nko kiʼi le nyʉ̀.”

Ŋwàʼlə̀ Luk 18:19

Yesò bèm à wen la, “Byìʼì ghò a wù dzàŋ mò la wù jùŋ a? No wù jùŋ muʼ ko diʼ əchò tò Nyìngòŋ.

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 6:45

Wù jùŋ nè njùŋ mu ghə̀ fʉ̀ fa ntìntìn nyʉ̀ jùŋvə a ghə̀ baʼtə̀ nghʉ a wen tyɨm. Wu byɨ nè tò mbyɨ yì a ghə̀ sə diʼ mu ghə̀ baʼtə̀ li ə nghʉ a wen tyɨm. Byiʼàndo gɨ chʉ̀ wìʼ diʼ alə̀, gàʼà tò kənyʉ̀ kì a ke sə diʼ à wen tyɨm mu ke lwinli.

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?