Joyn 6:9 - The New Testament in the Babanki language

⁹ “Wàyn wùlɨm ə tsen diʼ ashə, a ghə̀ kiʼi tɨ̀ghef tə kəbayn tə, tàyn nə̀ shʉsə bò sə. Alì, fozhɨvə a venə ə ko kwʉ̀ʼ no fa mphen a ənòyn ə viʼi venə.”

Joyn 6:9 Referans Kwoze

Ŋwàʼlə̀ Luk 9:13

Yesò bwènsə̀ à vəwenə la, “No nkàyntə̀ ghə̀ŋ ku kəfo, vəwenə zhɨ.” Vəwenə gàʼ à wen la, “Yès kiʼi tò təghɨf tə kəbayn tə tàyn nə̀ shʉ səbò sə. Wù kəŋ la yès dyʉ̀ ə zen fozhɨvə à nòyn ghenə no tsèm mu?”

Ŋwàʼlə̀ Mak 6:38

Ghə̀ bwènsə̀ bèm à vəwenə la, “Ghə̀ŋ kiʼi təghɨf tə kəbayn tə shyə̀ʼ? Ghə̀ŋ lye.” Vəwenə lye ə̀ gaʼà la, “Tə diʼ tò tətàyn nə̀ shʉsə səbò.”

Matìyò 14:17

Vəwenə gàʼ à wen la “Yès kìʼ tò təghɨf tə kəbayn kə məka tə tàyn nə̀ shʉsə sə bò.”

Matìyò 16:9

Kə lè dìʼ la ghə̀ŋ ko təmə kɨ̀ kənyʉ̀ mu? Ghə̀ŋ ko bè kwòʼtə̀ ando mà nzhisə̀ viʼi vi nkamsə sə tàyn nə̀ təghɨf tə kəbayn tə məka tə tàyn? Ghə̀ŋ mboŋtə byəʼ vi a və mfaŋə̀ və lwin a nkyèsə sə shə̀ʼ lì?

Ŋwàʼlə̀ Mak 8:19

A ndìʼ ando mà mbyəʼlə, təghɨf tə kəbayn tìtə tətàyn ə zhis viʼi nkamsə sətàyn, ghə̀ŋ mboŋtə byəʼ və lwin a nkyèsə sə shə̀ʼ lì?” Vəwenə gàʼ la, “A ndiʼi nkyèsə njʉ̀sə̀bò.”

2 Kolìntyàns 8:9

Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

Kəmwetə 6:6

Mà zhʉ gɨ̀, ghə̀ gàʼa to nə̀ gɨ̀ wìʼ fa ntìntìn ə̀fo vi ə̀ kàʼ la, “Əko shyèʼ ə kətsi kə mpfen ne kwʉ̀ʼ əzen tò kilò to kəbayn a və bvu fa wit muʼ ko əzen vəkilò və kəbayn a və bvu fa balley vətaʼ, alì kə a kùm məzhiʼ nə̀ məlyʉ̀ʼ.”

Joyn 11:32

Ghə̀ dyʉ̀ zàʼa akəshi yi a Yesò ndiʼ tsu ə yenə vi nə̀ wen alə̀ ə fəŋ to a wen ashɨ ə gàʼ la, “Bobo, wù to ndiʼ ashə, mu lèmə̀ ghom ko tə pfʉ̀.”

Joyn 11:21

A sə ndiʼ ando Matà dyʉ̀ yèn Yesò ə gàʼ la, “Bobo, wù te ndiʼ ashə mu lèmə̀ ghom ko tə pfʉ.

Joyn 6:7

Filib bwensə ə gàʼ la, “mimbu no ndò sə mwòm kəfo to mwòmə̀ vəghəŋ diʼ ə kiʼ ə ko a ghə̀ cho ə ko a wìʼ diʼ shwèʼè a və və sàŋ ə fwomə.”

Joyn 6:11

Yesò ə mu shi kəbayn a kì ə ku kəzòŋ a Nyìngòŋ, mu ku la və gətə a viʼi a venə. Ghə̀ be shi shʉ̀ shisə ə ku to kəzòŋ a Nyìngòŋ ə gə̀tə̀ a viʼi, no ndò ə zhɨ kwiʼ to ando ghə̀ kòŋə.

Joyn 21:9

Vəwenə dyʉ̀ fʉ̀ a bene a fwàyn ə yen əzhiʼ ando ghə̀ fwi, shʉsə diʼ ayi kəchʉ̀ nə̀ kəbayn kə.

Joyn 21:10

Yesò ə gàʼ a vəwenə la, “Ghə̀ŋ vi nə̀ shʉ̀ sə tsensə, fa a ntìntìn sisə a ghə̀ŋ ku to luwen li.”

Joyn 21:13

Yesò ə dyʉ̀ lyɨ̀ kəbayn kì ə ku a vəwenə ə be nè to ali nə̀ shʉ̀ sisə.