Joyn 6:63 - The New Testament in the Babanki language

⁶³ A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Joyn 6:63 Referans Kwoze

Hibùlù 4:12

Kənyʉ̀ kə Nyìngòŋ kə diʼ alə̀ diʼ tosə kə tsi, kiʼi kədyòʼ be lyɨmə chò no tèbe nyi ə ngwoləŋ ə kò. Kə sù wìʼ, kə kwen zàʼa a wen a tyɨm ə dyʉ̀ kum kəzhwì kə wen, ə be chò no fa wen zhʉŋ ə kwoŋ. Kənyʉ̀ kə Nyìngòŋ kə diʼi Laynsə əkwoʼtə ə wìʼ.

Gàlesìyà 5:25

Luwen to ando vəghəŋ sə tsì byìʼì Kəzhwì kə Ŋwoʼkə lə, vəghəŋ diʼ ne to nyʉ̀ vyi a kə kəŋə la vəghəŋ ə nè.

Joyn 6:68

Saymun Bità ə bwensə a wen la, “Ə be ə dyʉ̀ ando a Bobo? A zizi a be shə̀ʼtə̀ ndò shə̀ʼtə̀ kənyʉ̀ ki a kə ku bwòŋ yi a ghə̀ ko lu mè a yes a?

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

1 Kolìntyàns 15:45

Və nyòʼò li a Ŋwàʼlə̀ Nyìngòŋ la, “Adàm ə wù mbì ndiʼ wìʼ a Nyìngòŋ ə ne, ghə̀ sə tsi” ali Adàm ə bàm, a diʼ Yesò tə vi sə diʼ kəzhwì kì a kə ne la viʼi nkiʼ ntsìnə̀.

Lumans 10:17

Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Gàlesìyà 6:15

Ko və shətə li ndyə̀ vəghəŋ kò və ko shətə, na ki ə ko kiʼi kənyʉ̀ kə tsen ə nè. Kənyʉ̀ kə tokə ə diʼ to la, Nyìngòŋ ə nè li vəghəŋ bwensə sədiʼ viʼi və fi və.

Lumans 2:25

Ghə̀ŋ kɨli la ə shətə ndyə̀ wìʼ ə diʼ kənyʉ̀ to azhʉ̀ a wìʼ a yi ə wʉ Əsoʼ ali mu wìʼ sətsen kwaʼ Əsoʼ, kə nə̀ diʼ to sə və ko shətə ndyə̀ wen.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Shwèʼ 5:20

“Ghə̀ŋ dyʉ̀ a ngə̀ŋ Nyìngòŋ ə̀ shə̀ʼtə̀ no nyʉ̀ tsèm byìʼì ntsìnə̀ fi yì a viʼi və byɨməvə diʼ ntsi.”