Joyn 5:34 - The New Testament in the Babanki language

³⁴ Ma ko gaʼa tebè la ma kəŋ la Wùmə̀nsòŋ ə ndiʼ nchwò nsòʼ a mò. Mà gàʼa li ndiʼ ghə̀ŋ byɨmə ə bwòŋ.

Joyn 5:34 Referans Kwoze

1 Joyn 5:9

Vəghəŋ sətsèn ə mbyɨmə nyʉ̀ a viʼi gàʼà, əvi a Nyìngòŋ ə gàʼà dìʼ nəmwèʼè chò vi a viʼi gàʼà lì byìʼàndo ghə̀ gàʼà byìʼì wàyn wen.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

Lumans 10:1

Ma kòŋ no nànto be jɨ̀mə̀ to jɨ̀mə̀ a vəlemə vwomə la Nyìngòŋ ə bwoŋsə viʼi Jus.

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

Joyn 8:54

Yesò ə bwensə gàʼ la, “a zhʉ a ma yi ndiʼ ə kuʼsə wenə ghomə mu a ko diʼ to kənyʉ̀ kətsenkə. Wìʼ yi a ghə̀ kuʼsə mo a diʼ Tìʼ ə ghom, to ndə̀ŋndəŋ ə wìʼ yi a ghə̀ŋ ə gaʼa la a diʼ Nyìngòŋ ghə̀ŋ.

Joyn 5:41

“Ma ko kəŋ la viʼi ntemə təpfem a mò.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Lumans 12:21

Kə ghə̀ŋ moʼtə kədyòʼ kə mbyɨ, kə to chò ghə̀ŋ. Ghə̀ŋ boŋsə to chò mbyɨ nə̀ nyʉ̀ ə jùŋə və vyi a ghə̀ŋ nè.

Lumans 10:21

Alì fa viʼi Islel, Nyìngòŋ ə gàʼ la, “Ma naʼsə̀ li avu a ghomə a kətsi kə ə pfen ə dzàŋ viʼi la və vi, vəwenə tyen ə zhʉ̀ mo. Vəwenə tò li kətʉ ə bwenə fa mo a bàm.”

Ŋwàʼlə̀ Luk 19:10

Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Ŋwàʼlə̀ Luk 13:34

“Wome, ghə̀ŋ viʼi Jelusalèm ghə̀ŋ zhwilə nshə̀ʼtə̀sə ghoʼkə sə, temlə zhwilə viʼi ntɨm vyi a Nyìngòŋ ntɨmə a ghə̀ŋ! Ma mwòmsəli tò a ghayn a ghayn əpfʉ̀tə ghə̀ŋ ando mpfi mbvʉ lə pfʉ̀tə vunə wen tyi təvò, ali kò ghə̀ŋ lə moʼtə la ma ne!

Joyn 5:32

Ma kɨli la wù kədyàŋ diʼ a ghə̀ gàʼà to nə̀ nchwò nsòʼ ə mò, no ghò yi a ghə̀ gàʼà kumə mò, a diʼ to nəmwèʼè.