Joyn 5:25 - The New Testament in the Babanki language

²⁵ Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Joyn 5:25 Referans Kwoze

Joyn 5:28

Kə ghə̀ŋ ne ndiʼ nə̀ əkaynə ə kumə kənyʉ̀ na kèn byiʼàndo zhʉ̀ sə boʼsə vi a no viʼi və tsèm a və diʼi a təsè ne zhʉ gɨ Wàyn Wìʼ,

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Joyn 4:23

Əzhʉ ə kuʼ vi, alì mu ghə̀ sə diʼ mu ghə̀ kuʼ li no kwʉ̀ʼ a viʼi a və kuʼsə Nyìngòŋ nəmwèʼè, diʼ kuʼsə əwen a kəzhwì bènə̀ a nəmwèʼè. A diʼ nki viʼi a venə a Nyìngòŋ ə kəŋ la və ə kuʼsə wen.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.

Joyn 8:47

No ndò a ghə̀ diʼ wàyn Nyìngòŋ, ə zhʉ kənyʉ̀ kì a Nyìngòŋ ə gàʼa. Ghə̀ŋ ko zhʉ̀ byìʼàndo ghə̀ŋ ko diʼ vunə Nyìngòŋ.”

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.

Lumans 6:4

Kə diʼi la vəghəŋ ə sə shi mu kə sə diʼ to sə vəghəŋ pfʉ li, və bvɨmə vəghəŋ boʼsə nə̀ wen. Kə ndiʼ alə̀ ndiʼ Bobo nè vəghəŋ ə ntsi ntsìnə̀ ə fi ndə̀ŋndəŋ to ando ghə̀ ə nè Yesò, ghə̀ bwensə lù fa pfʉ. Ghə̀ nè alə nə̀ kədyoʼkə kaynə kə wen.

Joyn 8:43

Byìʼì ghò a ghə̀ŋ ko zhʉ kɨ kənyʉ̀ kì a ma gaʼa a? A diʼ byìʼàndo ghə̀ŋ ko kòŋ ə zhʉ.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Ŋwàʼlə̀ Luk 9:60

Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Joyn 4:21

Yesò ə gàʼ a wen la, “Ma gaʼa a wù no nəmwèʼè la, byɨmə mo, əzhʉ ne vi a və ko be ne nkuʼsə Nyìngòŋ a pfèn a shèn, ko kuʼsə tebè a Jelusalèm.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 6:60

Ndzɨ̀mtə̀sə bàm ə Yesò ə zhʉ ziʼi na ghenə ə sə gàʼ la, “Əziʼi a ghenə to no nànto. A zizi à byɨmə no ndò byɨmə kənyʉ̀ a kèn a?”

Joyn 9:27

Wìʼ ghèn ə gàʼ la, “Mà sə diʼ mù ma shə̀ʼtə̀ li a ghə̀ŋ, ko ghə̀ŋ lu kòŋ ə zhʉ. Ghə̀ŋ be bèmə ə ne gho tsu a? Kə diʼ la ghə̀ŋ kəŋ be ndiʼ ndzɨ̀mtə̀sə bàm ə wen mu?”