Joyn 4:48 - The New Testament in the Babanki language

⁴⁸ Yesò ə gàʼ a wen la, “wìʼ fa ghə̀ŋ zizi ko ghə̀ lu byɨmə no fa mphen, a bwen la ghə̀ yen nchwi nyʉ̀ ə kaynəvə a mà nè.”

Joyn 4:48 Referans Kwoze

Joyn 20:29

Yesò ə gàʼ a wen la, “Wù byɨmə li luwen to byìʼì ando wù yèn mo. Alì, jùŋ diʼ a viʼi vyi a və ko yen, ali mbyɨmə.”

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

1 Kolìntyàns 1:22

Viʼi Jus nkəŋ nchwi nyʉ̀ kaynəvə, viʼi Gɨ̀lìs ə kəŋ kiʼi ətof,

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Joyn 12:37

Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen.

2 Kolìntyàns 12:12

Ma tə bwaʼmə ə lyɨ̀ əzhʉ̀ ə diʼ nchwisə nyʉ̀ a ghə̀ŋ nə̀ tənki tə nyʉ̀ ə kaynəvə tə tsentə, nə̀ təshyèʼ tə kaynə tə, tə diʼi la ma diʼ to no nkàyntə̀ wù ə ntɨm.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Shwèʼ 14:3

Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Shwèʼ 2:43

Nyìngòŋ nè viʼi ntɨm ə Yesò və sə̀ nè nyʉ̀ kanəvə no ghoʼo, və nè viʼi vətsèm sə̀ diʼ nə̀ kanə.

Joyn 2:18

Viʼi Jus ə na bwènə̀ vì ə bèm a Yesò la, “Wù zizi wù ne no kənyʉ̀ kəkaynəkə kə kò ə diʼ la à ku Nyìngòŋ ə ku kədyòʼ la wù ə nè nyʉ̀ venə a?”

Ŋwàʼlə̀ Luk 16:31

Ablaham mù gàʼ à wen la, ‘Vəwenə sətsèn faŋ kè zhʉ̀tə kənyʉ̀ kyì a Mosìs wenə nshə̀ʼtə̀ sə ghoʼkə sə nlù nyòʼ, kò vəwenə à zhʉ̀tə tə kənyʉ̀, a zhʉ a wìʼ yì bwènə̀ dyʉ̀ à vəwenə mu ghə̀ lù fa pfʉ.’”

2 Tèsàlonyà 2:9

Wù nyʉ̀ ə byɨvə na ghèn lu vi nə̀ kədyoʼkə, mu a ku Satan ə kumə nè nyʉ̀ ə kaynə və ə tsenəvə, diʼi nchwisə ndzɨŋ sə tsensə a viʼi.

Shwèʼ 15:12

Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm.

Shwèʼ 7:36

Ghə̀ nè nyʉ̀ kaynəvə bè dìʼ chwitə fàynsə və vi a və dìʼì kədyòʼ kə Nyìngòŋ a Ijìb ə̀ lyɨ̀ viʼi Islel ə̀ fʉ̀ nə̀ vəwenə fà stu. Ghə̀ be ne nyʉ̀ kanəvə a Mù mə ghoʼmə̀ mə Mbomə̀, be nè nyʉ̀ kanəvə a nse zɨm a ngwʉ̀ʼ məwum nkàʼ.

Shwèʼ 6:8

Stifèn ndìʼ wìʼ mu Nyìngòŋ bwaʼsə li wen no a nkàyn bè kù kədyòʼ à wen la ghə̀ ə nè nyʉ̀ kanəvə à viʼi a ntìntìn,

Shwèʼ 5:12

Viʼi ntɨm ə Yesò sə̀ nè chwitə nə̀ nyʉ̀ kanəvə və fʉ̀ no ghoʼo ədìʼ kədyòʼ kə Nyìngòŋ. Viʼi və byɨməvə no vətsèm sə̀ zàŋsə vì zhùŋtə̀ a kətò Sòlomùyn.

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Shwèʼ 2:19

Mà lu ne nyʉ̀ kanəvə a kàŋ ə be dìʼ chwitə a nse. Viʼi lu yen mənlyuŋ nə̀ zhiʼ bènə̀ mbòʼ fələʼ.

Joyn 15:24

A tə ndiʼ la mà ko ə nè nyʉ̀ a vəwenə a ghə̀ŋ ntìntìn, ko andiʼ la wìʼ ə tɨmə nè, mu kə diʼi la vəwenə nè li mbyɨ ando kə diʼi luwen. Luwen ə sə diʼ mù vəwenə yen li nyʉ̀ ə kaynə və venə ali be bàynə̀ mò to bàynə̀ boʼsə nə̀ Tìʼ ghom.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Matìyò 27:42

gàʼà la, “Ghə̀ lə mbwòŋsə̀ tò viʼi, luwèn sə diʼ kènla ghə̀ zì ghə̀ bwoŋsə wen wenə. Ghə̀ tə ngàʼà la ghə̀ dìʼ fòyn viʼi Islel, ghə̀ shiʼi lì luwèn fa kəntò a shèn ndi yès byɨmə wen.

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Joyn 4:49

Wù ə shwèʼè ayì be gàʼ la, “Tikəbəŋ, zaŋsə vi yowù dyʉ̀, bwen ali wàyn ghom a pfʉ.”