Joyn 3:5 - The New Testament in the Babanki language

⁵ Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 3:5 Referans Kwoze

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Ŋwàʼlə̀ Mak 16:16

No mə ndò a ghə̀ byɨmə ə̀ shì mu, ghə̀ nè bwòŋ. No ndò a ghə̀ tyenə ke byɨmə Nyìngòŋ lù byɨbsə wen.

1 Kolìntyàns 2:12

Vəghəŋ ko shi kəzhwì mu kə lù fa mbyi, vəghəŋ boŋsə shi kəzhwì kì a kə lù fa Nyìngòŋ ndiʼ vəghəŋ ə̀ kɨ əfo vyi a ghə̀ kù li a vəghəŋ.

Joyn 1:13

Vəwenə ko ə kaʼkə a vunə Nyìngòŋ a ji yi a wìʼ nə̀ kòŋ ə bwi vunə fa tsu, a ndiʼ to əghʉ̀nə̀ Nyìngòŋ la vəwenə ndiʼ vunə wen.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

Gàlesìyà 6:15

Ko və shətə li ndyə̀ vəghəŋ kò və ko shətə, na ki ə ko kiʼi kənyʉ̀ kə tsen ə nè. Kənyʉ̀ kə tokə ə diʼ to la, Nyìngòŋ ə nè li vəghəŋ bwensə sədiʼ viʼi və fi və.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Matìyò 18:3

mù gàʼ la “Mà gàʼà à ghə̀ŋ nəmwèʼè la ghə̀ŋ sətsèn fàŋ ke kwitə ə ndiʼ to nə̀ vunə və bwaʼvə mu ghə̀ŋ ko lə kwen a soʼ Fòyn Nyìngòŋ.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Ŋwàʼlə̀ Luk 13:3

Mà shə̀ʼtə̀ à ghə̀ŋ la kə ko diʼ ali no fa mpfen, ghə̀ŋ faŋ kè kwitə tətyɨm təŋtə fa nyʉ̀ byɨvə, ghə̀ŋ vətsèm lù lè tò ndə̀ŋndəŋ.

Matìyò 5:20

Ma mù sə gàʼà à ghə̀ŋ la ntsìnə̀ shəŋsə sətsèn dìʼ ke nti a nkàyn ando Nyìngòŋ kəŋə chò sə ndìʼsə̀sə təsoʼ bènə̀ sə viʼi Falàsi, kò ghə̀ŋ lù kwèn a soʼo fòyn Nyìngòŋ.”

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

Ŋwàʼlə̀ Luk 13:24

“Ghə̀ŋ mwòmsə no nə̀ kədyòʼ ə cho fa chʉ ngə̀ŋ a ghə̀ faʼsə ə kwen a kəshi kə fòyn Nyìngòŋ. Ghə̀ŋ kɨ la viʼi no və ghoʼo lu nkəŋ kwen fa tsu ali kə to ghoʼo vəwenə.

Ŋwàʼlə̀ Luk 13:5

Kə ko diʼ ali no fa mpfen, alì mà gàʼà ghə̀ŋ la, ghə̀ŋ sətsèn faŋ kè kwitə tətyɨm təŋtə fa ghə̀ŋ nyʉ̀ byɨvə, ghə̀ŋ vətsèm be lə̀ lè tò ndə̀ŋndəŋ.”

Matìyò 19:24

Mà be shə̀ʼtə̀ kənyʉ̀ à ghə̀ŋ, kə bwaʼmə à fəmbwèʼè fo fə chò fa kəbʉ̀ʼ kə nsoʼ chò la wu ghoʼo kwen a sòʼ Fòyn Nyìngòŋ.”

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Ŋwàʼlə̀ Mak 9:47

Shɨ wu be nè la wù ne mbyɨ, wu tòŋ shìsə̀, kə bòŋ la wù kwen a soʼ fòn Nyìngòŋ nə̀ shɨ̀ mùʼ əchò la wù nkiʼ ashɨ à wu no tsèm à bò, və moʼ wù a kəshi kə zhìʼ byɨghə,

Ŋwàʼlə̀ Mak 10:14

Yesò nè yèn kənyʉ̀ akì a vəwenə nè lì ə̀ fwisə tin ə̀ gàʼ à vəwenə la, “Ghə̀ŋ ghʉsə vunə vəwenə vi à mò. Kə ghə̀ŋ be tàm vəwenə byìʼe fòyn ə Nyìngòŋ kiʼ viʼi a nə̀ vəwenə.

Joyn 3:4

Nìkòdemùs ə bèm a wen la, “Və zizi və mu be bwi wìʼ a nfi mu ghə̀ kwi li ale? Ma kɨli la wù to zizi ko ghə̀ lu be bwenə kwen a bèm ə lì wen ndi və be bwi wen a nfi.”

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.