Joyn 3:25 - The New Testament in the Babanki language

²⁵ Ətʉʼ ə layn kətsi kətsenkə, ndzɨ̀mtə̀sə bàm ə Joyn sə zìtə̀ kəgumə kətsen wenə ə wù Jus ə tsen kumə ji yì a viʼi Jus nə̀ shʉ əwen fa tsu a vəwenə a ntsìnə̀ əloʼ ndi ndiʼi la və laynə kwʉ̀ʼʉ̀ ashɨ Nyìngòŋ.

Joyn 3:25 Referans Kwoze

Joyn 2:6

A ndiʼ ali, viʼi Jus tsɨfə nguʼsə, shɨtə vəntòyn tsu, ndiʼ ə shʉ̀ əwen tsu ndi ndiʼ nə̀ laynə a ashɨ Nyìngòŋ, ando soʼ ə vəwenə ə gaʼa. A ndiʼ akəshi kə làm na ghèn mu və tomtəli vəntòyn vəghoʼkəvə a venə la ntʉfə. Ghə̀ mùʼ ndiʼ mu və zizi və kaʼsə əchom a mù ə zìtə̀ fa məwumə mbò dyʉ̀ zaʼa məwumə ntaʼ mibu ghə̀ lwin.

Hibùlù 6:2

la viʼi diʼ ə shi mu, və diʼ ə ghʉ̀ avu a viʼi a tʉ̀ bwaʼsə vəwenə, la viʼi lu lù fa pfʉ, la Nyìngòŋ ə lù soʼ viʼi a kəmwetə kə mbyi.

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

Hibùlù 9:23

A lə diʼ la kə nkwʉ̀ʼʉ̀ to no la və shʉ əfo və laynə a shɨ Nyìngòŋ a ji a ghèn. Əfo à vènə ə nlyɨ to kəshi kə nkàyntə̀ əfo, a və diʼ a kàŋ ali və kwʉ̀ʼʉ̀ la və ku kəku kumə əfo na venə a və diʼi akàŋ, kə kuʼmə chò ki a və nə̀ kù kumə əfo ə nse.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.

Ŋwàʼlə̀ Mak 7:8

“Ghə̀ŋ màʼà soʼ Nyìngòŋ, tùʼtə̀ ghaʼa tò ntsìnə̀ viʼi ghə̀ to.”