Joyn 18:35 - The New Testament in the Babanki language

³⁵ Balèt ə bèm a wen la, “Wù kwòʼə la ma diʼ to wù ə Jus mu. A vi nə̀ viʼi vyə nə̀ vəpfèm və ngə̀ŋ Nyìngòŋ ə vi nə̀ wù a mò. Wù ə byɨbsə ghò?”

Joyn 18:35 Referans Kwoze

Shwèʼ 23:29

Ando mà tə shìʼi lì, mà bòŋsə̀ yèn la vəwenə gàʼà a nyʉ̀ byìʼì soʼ vəwenə kò a ndiʼ la ghə̀ byɨsə li kənyʉ̀ a zi və zhwi wen kò we wen a mfɨŋ byìʼì kəwenkə.

Shwèʼ 21:38

Wù lì ko diʼ wù Ijìb yì a ghə̀ nzìtə ngəʼ a shèn ə̀ gùf viʼi à wen a bàm ə zaʼa a nkamsə səkàʼ ə̀ dyʉ̀ nə̀ vəwenə a nse zɨm la vəwenə mfʉ̀ zhwilə̀ viʼi lì.”

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Joyn 19:6

Vəpfèm və ngə̀ŋ Nyìngòŋ sə ghoʼkəsə nə̀ vəsugyèʼ vi a və ntsi a ngə̀ŋ Nyìngòŋ ə ghoʼo yenə wen no zhʉ̀ko ə zìtə̀ ə sə zɨ̀mə gàʼa to la, “Və bayntə wen a kəntò, və bayntə wen a kəntò!” Balèt ə gàʼ a vəwenə la, “Ghə̀ŋ lyɨ̀ wen dyʉ̀ bayntə. Ma ko yen kənyʉ̀ kì a ghə̀ byɨbsə.”

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Joyn 18:34

Yesò ə bwensə ə bèm a wen la, “Wù bèmə to no fa wù ngeŋ mu, wù bèmə to ando viʼi shə̀ʼtə̀ nyʉ̀ a wù kumə mò lo?”

Joyn 18:36

Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”