Joyn 17:10 - The New Testament in the Babanki language

¹⁰ Nò tèbe gho ghom diʼi kyəkə, no tèbe gho wù diʼ komə kə. Və ne li, ma sə kiʼi əkuʼsə.

Joyn 17:10 Referans Kwoze

Joyn 10:30

Yo Tiʼi ghom diʼ to kənyʉ̀ kə mùʼ.”

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

Kòlòsyàns 2:9

Nyìngòŋ ndiʼ li wenə wen no tsèm əcho fa Klistò a wenə wìʼ.

2 Tèsàlonyà 1:12

Ghə̀ŋ sətsen ə nè alə, ghə̀ŋ ne ku zhiʼ ə ghoʼoghə a Bobo vəghəŋ Yesò, ghə̀ nè, ghə̀ŋ ə boŋ kiʼi əkuʼsə. Ənyʉ̀ na venə ə kwʉ̀ʼ byìʼì ando Nyìngòŋ ə vəghəŋ wenə Bobo Yesò Klistò ə kiʼi ətyɨm ə jùŋə ghə̀ a ghə̀ŋ.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Shwèʼ 19:17

Vəjew nə̀ viʼi tɨm vi a və ndìʼ a Efesùs nè zhʉ̀ kənyʉ̀ a kə yì chò sə̀ diʼ nə̀ fanə mù sə kuʼsə zhiʼ Bobo Yesò.

Joyn 11:4

Yesò zhʉ̀ ntɨm na yi ə gàʼ la, “Ghə̀ kwaʼa tèbe ali, ko ndiʼ la ghə̀ a pfʉ̀. Əkwaʼa na yi ə vi ndi Nyìngòŋ ə diʼ kədyòʼ kə wen. Wàyn Nyìngòŋ na diʼ kədyòʼ ki a ghə̀ kù a wen chò fa kwaʼa na ghèn.”

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Gàlesìyà 1:24

Vəwenə mù sə bwomsə Nyìngòŋ byìʼì mò.

Joyn 12:23

Yesò ə gàʼ a vəwenə la, “Əzhʉ kʉʼʉ li luwen la Nyìngòŋ ə kuʼsə kwoŋ ə Wàyn Wìʼ akàŋ.