Joyn 13:22 - The New Testament in the Babanki language

²² Ndzɨ̀mtə̀sə bàm wensə sədiʼ nə̀ əkaynə ə, mu sə ki mu kaynə la ghə̀ gàʼa kumə ndò lo.

Joyn 13:22 Referans Kwoze

Ŋwàʼlə̀ Luk 22:23

Vəwenə mù zìtə̀ sə bèmə̀ à vəwenə ntìntìn əkɨ wìʼ a ghə̀ a nè kənyʉ̀ a kènkə.

Ŋwàʼlə̀ Mak 14:19

Ando ghə̀ ngaʼà a lì, kənyʉ̀ akì sə̀ ku ngəʼ a vəwenə. Vəwenə mù sə bèmə̀ à wen tò mùʼ mùʼ la, “A dìʼ mo mu?”

Matìyò 26:22

Kənyʉ̀ akì sə ku ngəʼ à ndzɨ̀mtə̀sə bàm wen no nànto vəwenə mù zìtə̀ sə bèmə̀ à wen tò mùʼ mùʼ la, “Bobo, à bè diʼ mo?”

Matìyò 26:21

Və sə nzhɨ ghə̀ gàʼ à vəwenə la, “Mà gàʼà à ghə̀ŋ nəmwèʼè la wìʼ muʼ fà ghə̀ŋ a ntìntìn diʼi ne baʼlə mo.”

Ŋwàʼlə̀ Mak 14:18

Vəwenə nè ŋwʉʼʉ a məzhɨ, Yesò gàʼà vəwenə la, “Mà gàʼà à ghə̀ŋ nəmwèʼè la, wìʼ muʼ dìʼ à ghə̀ŋ a ntìntìn a ghə̀ ne baʼlə mo, yo wen ə zhɨ tò a muʼu.”

Ŋwàʼlə̀ Luk 22:21

Ghə̀ŋ zhʉtə a, wìʼ a ghə̀ baʼlə mo, zhɨ yo wen a kəshi a shə̀.

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 13:21

Yesò ə ngàʼa nyʉ̀ avenə alə kwòʼtə̀ ə wenə sə ku ngəʼ a wen no nànto. Ghə̀ mu gàʼ ə làynsə la, “Ma gaʼa a ghə̀ŋ no nəmwèʼè la wìʼ ə mùʼ fa ghə̀ŋ a ntìntìn ne ə baʼlə mo.”