Biblia Todo Logo
Bib sou entènèt

- Piblisite -




Joyn 11:4 - The New Testament in the Babanki language

4 Yesò zhʉ̀ ntɨm na yi ə gàʼ la, “Ghə̀ kwaʼa tèbe ali, ko ndiʼ la ghə̀ a pfʉ̀. Əkwaʼa na yi ə vi ndi Nyìngòŋ ə diʼ kədyòʼ kə wen. Wàyn Nyìngòŋ na diʼ kədyòʼ ki a ghə̀ kù a wen chò fa kwaʼa na ghèn.”

Gade chapit la Kopi




Joyn 11:4
20 Referans Kwoze  

Yesò ə gàʼ a wen la, “A ma ə gàʼ a li a wù la wù byɨmə, a wù yen kədyòʼ kə Nyìngòŋ?”


Yesò ə bwensə gàʼ la, “A ko diʼ byìʼì mbyɨ wen, a ko andiʼ byìʼì ghə̀ tìʼ ə wen wenə lì wen. Kənyʉ̀ na kènkə ə fʉ ndiʼ viʼi yen mwetə kəvu kə shyèʼ kə kaynə kə Nyìngòŋ a wen a wèn.


Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.


ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.


Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.


Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.


Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.


Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.


Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,


Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”


Yesò ə bwensə gàʼ la, “a zhʉ a ma yi ndiʼ ə kuʼsə wenə ghomə mu a ko diʼ to kənyʉ̀ kətsenkə. Wìʼ yi a ghə̀ kuʼsə mo a diʼ Tìʼ ə ghom, to ndə̀ŋndəŋ ə wìʼ yi a ghə̀ŋ ə gaʼa la a diʼ Nyìngòŋ ghə̀ŋ.


Ma bèmə la, viʼi Jus ə kòyntə fəŋ mwetə mu? Kə ko diʼ ali no fa mphen! A ə ndiʼ ando vəwenə ne mbyɨ, Nyìngòŋ ə kwòʼtə viʼi ətɨm ə ku bwoŋ a vəwenə. Ghə̀ ə ne alə ndiʼ viʼi Jus kaʼkə ə shɨmtə viʼi ətɨm.


Nò tèbe gho ghom diʼi kyəkə, no tèbe gho wù diʼ komə kə. Və ne li, ma sə kiʼi əkuʼsə.


Diʼi kədyòʼ ə kyəkə a viʼi a Tìʼ!” To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”


A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.


Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.


Alì, ma na nè shwèʼè na yi, ghə̀ŋ faŋ ko ghə̀ŋ lu byɨmə a mo, ghə̀ŋ byɨmə byìʼì nyʉ̀ vyi a ma nè ndiʼ ghə̀ŋ ziʼi sə kɨ la yo Tìʼ ghom ə diʼ to kənyʉ̀ kə mùʼ, nəkwoŋ ko diʼ.”


Swiv nou:

Piblisite


Piblisite