Joyn 1:45 - The New Testament in the Babanki language

⁴⁵ Filib ə kəŋ dyʉ̀ nə̀ Nàtanyèl ə gàʼ a wen la, “Yes yen li wìʼ yi a Mosìs ə nyoʼo kumə wen a ŋwàʼlə̀ Əsoʼ li, nshə̀ʼtə̀ sə ghoʼsə ə be boŋ nyòʼ. Ghə̀ diʼ Yesò ə wu Nazalèt, ə wàyn Josèf”.

Joyn 1:45 Referans Kwoze

Ŋwàʼlə̀ Luk 24:27

Ghə̀ mù zìtə̀ fa Mosìs nə̀ nshə̀ʼtə̀sə no sə̀tsèm əgaʼa laynsə nyʉ̀ tsèm a və nyoʼo a ŋwàʼlə̀ Nyìngòŋ byìʼì wen. Ghə̀ mù gaʼa laynsə a vəwenə nyʉ̀ tsèm zìtə̀ fa Mosìs ədyʉ̀ a nshə̀ʼtə̀sə sətsèm nyoʼo li byìʼì wen.

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Ŋwàʼlə̀ Luk 4:22

No məndo yen la ghə̀ gàʼli a nkàyn sə̀ kayntə̀ la gaʼa gàʼà fwomə ghə̀ ghenə̀ fʉ̀ tò fa wen a chʉ̀ lo? Lu fa tsu ə bwènə̀ sə bèmə̀ la “Gàʼa kò ghèn diʼ wàyn Josèf lo?”

Joyn 18:7

Ghə̀ be bèm a vəwenə la, “Ghə̀ŋ kəŋ ndò lo?” Vəwenə be bwensə la, “Yès ə kəŋ wàyn ə wù Nazalèt ghèn a və toŋtə la Yesò lə.”

Ŋwàʼlə̀ Mak 6:3

Gàʼa kò ghə̀ diʼ tò no wàyn wìʼ yì a ghə̀ komə fo lə̀. A adìʼ wàyn Mèli lə̀. Gaʼa kò vəlèmə̀ və wen diʼ Jems nə̀ Josèf nə̀ Judàs bènə̀ Simon. Gaʼa kò vəlèmə̀ və wen vunə ki tsi tò no a vəghəŋ a ntìntìn.” Vəwenə gàʼ a lì, mù zìtə̀ sə bàynə̀ wen.

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Shwèʼ 22:8

Mà bèm à wen la, ‘A dìʼ wu ndo a Bobo?’ Ghə̀ bwènsə̀ la, ‘A dìʼ mo Yesò ə wù Nazalèt yì a wu tsuʼ a ghʉ wen lì.’

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Joyn 21:2

Ndzɨ̀mtə̀sə bàm ə̀ Yesò sə tsèntə diʼ to kəshi kə mùʼ sòmbo, a diʼ Saymun Bità nə̀ Tòmos yi a və toŋtə la Didimùs, nə̀ Nàtanyèl ə wàyn ə wù ə ntə̀ʼ Kanà, alòʼ ə Galìlì, nə̀ vunə Zebedì, benə ndzɨ̀mtə̀sə bàm wen sə tsensə sə bò,

Ŋwàʼlə̀ Luk 2:4

Josèf mù lù fa ntə̀ʼ Nazalèt a loʼo Galìlì dyʉ̀ a ntə̀ʼ Betə̀lèhem a loʼo Jùdiyà a ndiʼi kəshi a və bwì fòyn Devìt tsu ando ghə̀ nlu fa ngwàʼa fòyn Devìt.

Ŋwàʼlə̀ Mak 14:67

ə̀ yèn Bità ando ghə̀ zosə zhiʼ ə̀ tuŋ ashɨ wen a wèn Bità mù gàʼ la, “Nkàntə̀ wù tə njèʼè wenə̀ Yesò wù Nazalèt.”

Matìyò 13:55

Gaʼa kò ghə̀ diʼ tò no wàyn wìʼ yì a ghə̀ komə fo lə̀? Gaʼa kò zhiʼ lì wen diʼ Mèli, vəlèmə̀ və wen və lʉmə diʼ Jems, nə̀ Josèf nə̀ Simon bènə̀ Judàs?

Shwèʼ 26:9

“No nkàntə̀ mò nlù sə̀ kwòʼtə̀ la mà diʼi nè no ghò a mà zì mà ne əbyɨsə shwèʼè Yesò ə wù Nazalèt.

Shwèʼ 3:6

Bità gàʼ à wen la, “Mà ko kiʼ ko no fa mpfen əku à wù alì diʼì ku tò kəfo kì a mà kiʼì. Mà gàʼà à wù a kədyòʼ Yesò Klistò ə wù Nazalèt la wù lu njèʼè.”

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Joyn 19:19

Balèt ə gàʼ, və nyoʼtə kəfo la, “GHÈN DIʼ YESÒ WÙ NAZALÈT, FÒYN VIʼI JUS.” Əbayntə kəfo na kì a wen akwi kəntò.

Joyn 18:5

Vəwenə bwensə la, “Yès ə kəŋ wàyn wù Nazalèt ghèn a və toŋtə la Yesò lə.” Yesò ə gàʼ la, “A diʼ mò lə.” Ghə̀ gàʼa ali, Judàs yi a ghə̀ baʼlə wen ə ti to ə tsu wenə viʼi a vyi.

Joyn 6:42

Vəwenə sə bèmə la, “a ko ghə̀ŋ diʼ Yesò to wàyn Josèf vəghəŋ kɨ tìʼ ə wen nə̀ liwen? Ghə̀ jèʼ ale ə sə gàʼà la ghə̀ shiʼi nvi fa kàŋ a?”

Ŋwàʼlə̀ Luk 3:23

Yesò sə zìtə̀ shyèʼè wen a nsè diʼ ngwʉ̀ʼsə məwumə taʼ, diʼ wàyn Josèf ando viʼi nkòʼtə tìʼ Josèf diʼ Hèli.

Matìyò 10:3

a bè dìʼ Filib nə̀ Bàtòlòmiyà; nə̀ Tòmos nə̀ Matìyò a ghə̀ ə̀ tinə kənsè; a diʼ Jems ə wyè Alphùyùs nə̀ Tàdyes;

Ŋwàʼlə̀ Luk 2:48

A ndiʼ a zhʉ a tìʼ wen wenə liwen nyenə wen, vəwenə sə diʼ nə̀ kaynə kumə wen. Li wen bèm a wen la “Wàyn ghom, byìʼì gho a wu nè nki kənyʉ̀ kenkə a yès a?” Yo tiʼi wu kəŋ li wù alə̀ sə fàynə.

Joyn 1:44

A ndiʼ ali, mu Filib fʉ vi to fa ntə̀ʼ Bèsaydà tanə Andɨ̀lò wenə Bità.

Joyn 6:5

To ando ghə̀ tsoʼsə li kətʉ kə wen mù yen ənòyn ə viʼi ando ghə̀ vì, ghə̀ mù bèm a Filib la, “vəghəŋ lə zizi vəghəŋ zen ə fozhɨvə fa fe a və tu və kwʉ̀ʼ vəghəŋ zhis viʼi venə tsu a?”

Joyn 6:7

Filib bwensə ə gàʼ la, “mimbu no ndò sə mwòm kəfo to mwòmə̀ vəghəŋ diʼ ə kiʼ ə ko a ghə̀ cho ə ko a wìʼ diʼ shwèʼè a və və sàŋ ə fwomə.”

Joyn 12:21

vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”

Joyn 14:8

Filib ə gàʼ a wen la, “Bobo, yes ə kəŋ to kənyʉ̀ kə mùʼ, la wù diʼ Tìʼ yes.”

Ŋwàʼlə̀ Luk 18:37

Və gàʼa wen la à chò Yesò, wù Nazalèt.