Joyn 1:34 - The New Testament in the Babanki language

³⁴ Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

Joyn 1:34 Referans Kwoze

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 2:18

Nyòʼo à ntsɨŋ ngə̀ŋ Nyìngòŋ a ghə̀ ə diʼì ntsèntə̀ viʼi və byɨməvə a Tatiliyà la: Ghèn dìʼ ə ntɨm a ghə̀ lù fà wàyn Nyìngòŋ yì a ashɨ wen ə bàŋə̀ to nə̀ kəlwàŋ kə zhìʼ, aghʉ wen ə so to nə̀ kəkas a və buŋsə̀ a chɨ.

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

1 Joyn 4:9

Nyìngòŋ ə ndiʼì li əkòŋ ə wen à vəghəŋ a ji la ghə̀ ə ntɨm li wàyn a ghə̀ ə̀ nkìʼ, tò mùʼ a tì mbi ndi vəghəŋ lù kiʼi əbwòŋ ə chò fà wen.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

1 Joyn 2:23

A tyèn tè ndò tyèn Wàyn mu ghə̀ tyen li Tìʼ. A byɨmə tè ndò byɨmə Wàyn mu ghə̀ byɨmə li Tìʼ.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

Joyn 19:7

Viʼi Jus venə be gàʼ kwʉ̀ʼsə to la, “Yès kiʼi əsoʼ ghə̀ diʼi la ghə̀ diʼ ə pfʉ̀ byìʼì ando ghə̀ ghʉ̀ la ghə̀ diʼi Wàyn Nyìngòŋ.”

Joyn 11:27

Matà byɨmə ə gàʼ la, “Ma byɨmə a Bobo la wù diʼ wìʼ yì a və tsuʼli ghʉ, à diʼ wù Wàyn Nyìngòŋ yi a ghə̀ ndiʼ lə vi a mbyi.”

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Matìyò 27:43

Ghə̀ choʼsə̀ à Nyìngòŋ be gàʼà la ghə̀ dìʼ wàyn wen. Vəghəŋ yen lì la Nyìngòŋ la gyàmtə̀ wen luwèn lo.”

Matìyò 27:40

“Gaʼa kò wù tə ngàʼà la wù zì wù bətə ngə̀ŋ Nyìngòŋ bwènsə̀ bwòm a məntsi ntaʼ? Bwoŋsə lì wen wu luwèn! A zhʉ a wù diʼi wàyn Nyìngòŋ wu shìʼi fa kəntò a fì yès yen.”

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

Hibùlù 7:3

A diʼ a Ŋwàʼlə̀ Nyìngòŋ ko ndiʼ la və shə̀ʼtə̀ la tiʼi wen ndiʼ ndò lo, lì wen diʼ ndò lo. Və ko gàʼ tèbe kənyʉ̀ kumə vətiʼi vəwenə, ko və lù ə gàʼ kənyʉ̀ kumə ə tʉʼ yi a və mbwi wen nə̀ ə tʉ a ghə̀ mpfʉ. Kə le diʼi la ghə̀ faŋ li a pfèm ngə̀ŋ Nyìngòŋ to ə ghayn ə mùʼ to ando Wàyn Nyìngòŋ nfaŋ li to ghàyn ə mùʼ.

Ŋwàʼlə̀ Luk 3:22

Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Mak 1:11

Gɨ̀ tsen fʉ̀ fa kàŋ gàʼà la, “Wù dìʼ wàyn kòŋ mò. Mà saŋlə̀ byìʼì wù nəkwoŋ.”

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Matìyò 4:6

Ə gàʼ à wen la, “Ando wù diʼ no wàyn Nyìngòŋ lə̀, tsoʼo a nsè byiʼàndo və nyòʼ li a ŋwàʼlə̀ Nyìngòŋ la Ghə̀ ne tɨmə ntsɨŋsə wen à wù a bàm, la sə ntsɨ̀ŋə̀ wù. Sə ne ghàʼ wù ə jèʼsə a kaŋ ndi nè la kə wù a tem kəghʉ kyèkə a nguʼ”

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 6:69

Luwen yes ə byɨmə, be kɨ la, wù diʼ Wù Laynə Nyìngòŋ a wu vi fa kaŋ.”

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.