Jems 5:9 - The New Testament in the Babanki language

⁹ Kə ghə̀ŋ a nghàmə̀ vəlèmə̀ vəŋə a vəlèmə̀ vwomə ndi kə və lù soʼ ghə̀ŋ. Wù soʼò nsòʼ sə ti tò a chʉ ngə̀ŋ.

Jems 5:9 Referans Kwoze

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.

Matìyò 24:33

Kə diʼ tò ndə̀ŋndəŋ ando ghə̀ŋ sətsèn yènə nyʉ̀ venə no ntsèm və mfʉ̀, ghə̀ŋ kɨ̀ la zhʉ məvì Wàyn Wìʼ boʼsə li.

1 Bità 4:9

Ghə̀ŋ ə shɨtə shisə vəlemə vəŋə a ghə̀ŋ a loʼ to no nə̀ ətyɨm ə mùʼ, ko ghə̀ŋ dèmkə̀.

Gàlesìyà 5:26

Kə vəghəŋ na ghaŋsə əwèn, kə vəghəŋ na tyinsə tyinsə vəlemə və vəghəŋ, kə vəghəŋ be lye vəwenə nə̀ ashɨ a byɨghə.

1 Bità 4:5

Alì, kətsi kə ə kuʼu vì a Nyìngòŋ lu soʼ viʼi vətsèm, soʼ və to və benə və pfʉkəvə. Vəwenə lu taŋ chʉ̀ vəwenə a Nyìngòŋ.

Gàlesìyà 5:14

Nò təsoʼ tə tsèm tsèntə vi fʉ to a əsoʼ ə mùʼ la, “Kòŋ no ndò a wù yenə to ndə̀ŋndəŋ ando wù kòŋ wenə wù.”

1 Kolìntyàns 10:11

Ənyʉ̀ na venə ə̀ nfʉ̀ a vəwenə a nchwi, və be nyòʼò ə ghʉ əku kətyiftə a vəghəŋ byìʼì ando əzhʉ̀ boʼsə li ə mbyi mè.

Ŋwàʼlə̀ Mak 13:29

Kə diʼ tò ndə̀ŋndəŋ ando ghə̀ŋ lu yen nyʉ̀ avenə və lyɨ̀ kəshi. Ghə̀ŋ nè yen a lì ghə̀ŋ ə kɨ la zhʉ məvì Wàyn Wìʼ boʼsə li.

2 Kolìntyàns 9:7

Nò tèbe ndo ə sə nku, ghə̀ nku to kəfo kì a ghə̀ ghʉ a wen tyɨm la ghə̀ a ku. Kə wìʼ na ku sə və kwiʼi wen kwiʼi. Kə wìʼ na sə ku nku sə ghə̀ kyemə kyemə byìʼì ando Nyìngòŋ kòŋ wìʼ yì a ghə̀ kù nə̀ saŋlə.

Ŋwàʼlə̀ Mak 6:19

Helodiyas mù sə fwisə̀ tin a Joyn, kəŋə jì əzhwi wen alì kò ghə̀ lə̀ nyenə,

Kəmwetə 3:20

Ghə̀ŋ zhʉtə a! Mà ti a chʉ ə ngə̀ŋ kùmtə̀, mu à zhʉ̀ tè ndò ə̀ zhʉ̀ gɨ̀ ghom ə̀ bòʼ, mà à kwen ə̀ vì yo wen ə ndiʼ a kənyʉ̀ kə mùʼ be zhɨ a muʼu.

Jems 4:12

Wù ku soʼ nə̀ wu soʼo diʼ tò mùʼ, à diʼ tò wen a ghə̀ zì ghə̀ bwoŋsə viʼi à be diʼ tò wen a ghə̀ zì ghə̀ byɨsə. Wù sə diʼ ndò ə nsoʼo viʼi vətsenvə a?

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

Jems 5:10

Ghə̀ŋ lyɨ nshə̀ʼtə̀sə ghoʼkəsə nə̀ nchwi məwensə̀ a zhʉ ngəʼsə a vəlèmə̀ vwomə. Vəwenə nshə̀ʼtə̀ ntɨm ə̀ Bobo no tè ando vəwenə nyènə ngəʼ.