Jems 5:20 - The New Testament in the Babanki language

²⁰ ghə̀ nkɨ la à bwènsə̀ visə tè ndò ə̀ vìsə̀ wù ne nyʉ̀ byɨvə fà wen a ji byɨ, mu ghə̀ a bwòŋsə kəzhwì kə wen fa pfʉ ə be chiʼtə nyʉ̀ byɨvə no ghoʼo.

Jems 5:20 Referans Kwoze

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Jems 5:19

Vəlèmə̀ vwomə, wìʼ fà ghə̀ŋ sətsèn dyʉ̀ kəghaf fa nəmwèʼè, wutsen ne la ghə̀ bwènə̀ vì tsu,

Jems 1:15

Təkwòʼtə̀ tə byɨtə a tèntə mù kwì à wìʼ a tyɨm ə̀ vì nə̀ nyʉ̀ byɨvə. Nyʉ̀ byɨvə avenə nè kwi ə̀ kwʉ̀ʼ və mù vì nə̀ pfʉ.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Filimùyn 1:19

A nyòʼo to no mò nə̀ kəvu ə komkə a wù la, “Mò Bol na lòʼ no tèbe ghò a wù a Onesimùs ə lòʼ a wù.” Wu kɨ la no nkayn wù diʼ sə wù kiʼ kənyʉ̀ ə nè a mò ando mà tə ne wù sə diʼ wù ə byɨmə.

Kəmwetə 20:6

Njùŋ dìʼ ghə̀ no ndò a ghə̀ lu lù ə mbì məlù fa pfʉ, vəwenə diʼ viʼi və ŋwoʼvə Nyìngòŋ! Kənkùmtə̀ kəpfʉ kə ko bè kiʼ kənyʉ̀ ə lu nè nə̀ vəwenə. Vəwenə lu mbòŋsə̀ diʼ vəpfèm və Nyìngòŋ wenə̀ Klistò. Vəwenə lu tsèntə̀ ə nsoʼo a tì ngʉ̀ʼsə sènsə nkam.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.