Jems 5:15 - The New Testament in the Babanki language

¹⁵ Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

Jems 5:15 Referans Kwoze

Jems 5:13

A sətsèn wìʼ ə ndiʼ à ghə̀ŋ a ntìntìn a ghə̀ yenə ngəʼ. Ghə̀ jɨ̀mə. A sətsèn wìʼ ndiʼ à ghə̀ŋ a ntìntìn a ghə̀ saŋlə̀. Ghə̀ nzhɨmə ndzàŋsə ghoʼsə Nyìngòŋ.

Jems 5:16

Ghə̀ŋ ə nshə̀ʼtə̀ lì mbyɨsə sə̀ŋsə à ghə̀ŋ a ntìntìn be jɨ̀mə̀ à no ndò à ghə̀ŋ a ntìntìn ndi və chʉʼ ghə̀ŋ. Jɨmə wù kənyʉ̀ kə tɨməkə kiʼ kədyòʼ kə ghoʼokə a nyʉ̀ a jɨ̀m ayi nè.

Jems 1:6

Ghə̀ŋ sə njɨ̀mə̀ bèmə̀, ghə̀ŋ ə nkiʼ byɨmə. Kə ghə̀ŋ a momə̀ mwòmsə. No ndò a ghə̀ momə̀ dìʼ tò nə̀ mu mə mbyɨmtəmə̀ a mù mə nghoʼomə̀ a fwof ə̀ chò nə̀ʼə̀.

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Joyn 5:14

Yesò ə ne be yen ə wen a ngə̀ŋ Nyìngòŋ ə gàʼ a wen la, “Wù to li luwen. Kə wù bè a nè mbyɨ, a bwen ali kənyʉ̀ kə a fʉ̀ a wù, to chò kwaʼa a yi.”

Joyn 6:39

Wìʼ yi a ghə̀ tɨmə mo ko kəŋ la no wìʼ ə mùʼ a ghə̀ ku li a mò le. Ghə̀ kəŋ la mà lu bwensə lùsə vəwenə fa pfʉ a kətsi kə bàm.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

2 Kolìntyàns 4:14

Yès diʼ ə nshə̀ʼtə̀ alə byìʼì ando yès ə kɨ la, Nyìngòŋ yi a ghə̀ nlùsə Bobo Yesò fa pfʉ̀ ə be lu lùsə vəghəŋ vi a və diʼi viʼi Yesò ə lyɨ̀ tsèntə ghʉ vəghəŋ a wen ashɨ.

Jems 5:20

ghə̀ nkɨ la à bwènsə̀ visə tè ndò ə̀ vìsə̀ wù ne nyʉ̀ byɨvə fà wen a ji byɨ, mu ghə̀ a bwòŋsə kəzhwì kə wen fa pfʉ ə be chiʼtə nyʉ̀ byɨvə no ghoʼo.