Jems 3:14 - The New Testament in the Babanki language

¹⁴ A sətsèn ghə̀ŋ ə nkiʼ kənghə̀ʼ kə byɨkə a ghə̀ŋ a tətyɨm nə̀ kənywi, kə ghə̀ŋ a nkuʼsə̀ təwen təŋtə zhò ndzɨ̀ŋsə la ghə̀ŋ kiʼi tof.

Jems 3:14 Referans Kwoze

Jems 3:16

Kəshi a kənghə̀ʼ nə̀ kòŋ kənywi diʼì tsu, kənsàlə̀ bènə̀ nyʉ̀ byɨvə tsenəvə be dìʼ tsu.

1 Kolìntyàns 13:4

Wìʼ ə sətsen ə nkòŋ viʼi, a ghə̀ ne wensə be tuʼmə, wìʼ ə sətsen ə nkòŋ viʼi, kò ghə̀ be a ghə̀ʼə̀ vəwenə, kò ghə̀ be nà kùmə kədyʉ̀ʼ, ko ghaŋsə əwèn.

Filìbàyns 2:3

Kə ghə̀ŋ a nkwòʼtə̀ tò byìʼì təwen ə təŋtə, kə wìʼ a ə nè kənyʉ̀ ə kuʼsə wèn ə wen. Ghə̀ŋ ə mbòŋsə̀ kiʼ ə shiʼsə wèn à ghə̀ŋ ə ntìntìn be lyɨ̀ la viʼi vətsenvə chò ghə̀ŋ.

1 Kolìntyàns 3:3

Ghə̀ŋ bo tsi to nə̀ viʼi mbyi. Ghə̀ŋ kɨli la kənghə̀ʼ kə ə diʼ ghə̀ŋ a ntìntìn, ghə̀ŋ nè nyʉ̀ to nə̀ viʼi mbyi be tsi to nə̀ vəwenə.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

Filìbàyns 1:15

Viʼi vətsenvə əshəʼtə ntɨm ə jùŋ Yesò byìʼì kənghə̀ʼ ə be diʼ la vəwenə ə chò mo ando vəwenə yènə ando shyèʼ ə ghomə əshɨtə dyʉ̀, ali, vətsevə shə̀ʼtə̀ ntɨm a ghèn no nə̀ ətyɨm ə jùŋə̀ ghə̀.

Jems 5:19

Vəlèmə̀ vwomə, wìʼ fà ghə̀ŋ sətsèn dyʉ̀ kəghaf fa nəmwèʼè, wutsen ne la ghə̀ bwènə̀ vì tsu,

Shwèʼ 5:17

Kətʉ kə tʉtʉ vəpfèm və ngə̀ŋ Nyìngòŋ wenə̀ viʼi bàm wen no vətsèm a andiʼì viʼi ntsentə Vəsadùsis zìtə̀ kəghəʼ kə fànsə kə kətsenkə a wèn viʼi ntɨm ə̀ Yesò mù ghʉ̀ la vəwenə ne yen kənyʉ̀.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

1 Timotì 6:4

ghə̀ ghaŋsə̀ tò əwen kədyàŋ kədyàŋ, ko ghə̀ lu kɨ no kənyʉ̀, ətyɨm ə wen ko diʼ a nkàyn. Ghə̀ kəŋ ngùmə̀ to ənyʉ̀, bè taŋmə wen ə viʼi byìʼì ətof yi a ghə̀ diʼi a mənyʉ̀tə. Ənyʉ̀ a venə ə vi tò nə̀ kənghə̀ʼ kə nə̀ soynə nə̀ mbaʼsə nə̀ kwoʼtə ə byɨghə byìʼì viʼi,

1 Kolìntyàns 5:2

Ghə̀ŋ ə ghaŋsə wen byìʼì nki kənyʉ̀ alə byìʼì ghò? A ghə̀ŋ yi boŋsə diʼ ə weynə ə be ə dzɨ̀m ə shisə wìʼ a ghə̀ mwomə nki kənyʉ̀ a ghenə fa ghə̀ŋ ntìntìn

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

Gàlesìyà 6:13

No tèbe viʼi a vyi a və gaʼa la və diʼ ə shətə ndyə̀ viʼi li ko ghʉ tebè Əsoʼ, ali kəŋ to la və shətə ndyə̀ ghə̀ŋ ndiʼ vəwenə nə̀ jèʼe kùmə̀ kədyʉ̀ʼ, gàʼa la ghə̀ŋ nè li kənyʉ̀ kì a vəwenə ə kəŋ.

Gàlesìyà 5:26

Kə vəghəŋ na ghaŋsə əwèn, kə vəghəŋ na tyinsə tyinsə vəlemə və vəghəŋ, kə vəghəŋ be lye vəwenə nə̀ ashɨ a byɨghə.

Gàlesìyà 5:21

kiʼ ashɨ kəmbàŋbàŋ, nyʉ chòsə̀ məlyʉ̀ʼ bomə, kòŋ ə nzhùŋtə̀ ashi nyʉ məlyʉ̀ʼ ne to nə̀ bʉsə. Nki ənyʉ̀ a vyi diʼ to kədə̀ŋ. Ma kù kətyiftə a ghə̀ŋ luwen ndə̀ŋndəŋ ando ma tə ku fa ambì la, “Viʼi vi a və nè nyʉ̀ na venə ko lu kiʼi kəshi a akəshi kə əfòynə ə Nyìngòŋ.”

Gàlesìyà 5:15

Alì mu ghə̀ŋ sətsen kaʼkə ə ne to nə̀ nyamsə ətòʼ ə mphiʼi təwen, ghə̀ŋ nkɨ la ntsèntə̀ ghə̀ŋ zizi ghə̀ na mè no ə tsèm.

1 Kolìntyàns 5:6

Əghaŋsə əwen ghə̀ŋ ə ko bòŋ. A ghə̀ŋ kɨli la fɨ̀shɨ̀ŋfə ə nə̀ tyɨftə tèbè a le, fə nè kəbayn kə məka kə kuʼ.

Lumans 2:17

Ghə̀ŋ viʼi Jus ə naynə gàʼa la ghə̀ŋ tsi to a soʼ, vye Nyìngòŋ ə diʼ akayn.

Lumans 1:29

Vəwenə ne tənki tə nyʉ̀ ə byɨvə to ə tsèm. Vəwenə tsi to a mbyɨ, kiʼ ashɨ ə bòghə, ətyɨm ə byɨghə, ghəʼə viʼi no nànto. Vəwenə ə zhwi, soynə, lobtə viʼi, kiʼ əkwoʼtə əbyɨghə, gaʼa kùwòŋ,

Shwèʼ 26:9

“No nkàntə̀ mò nlù sə̀ kwòʼtə̀ la mà diʼi nè no ghò a mà zì mà ne əbyɨsə shwèʼè Yesò ə wù Nazalèt.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Matìyò 27:18

Ghə̀ mbèmə̀ a lì byìʼàndo ghə̀ nkɨ la à ne tò kənghə̀ʼ la və ghaʼ Yesò vì nə̀ wèn à wen.

Shwèʼ 7:9

“Zhʉ tsenghə kuʼ ə̀ kwʉ̀ʼ, vətìʼ vəghəŋ və mbì vi sə ghə̀ʼə̀ lèmə̀ vəwenə, Josèf, ə̀ bàʼlə wen la ghə̀ dyʉ̀ nshwèʼè kəkòs a Ijìb alì Nyìngòŋ sə tùʼmə̀ nə̀ wen

Gàlesìyà 5:20

gumlə nshəʼsə, shəŋə mənyoʼ, bàynə̀ viʼi, soynə, kiʼi kəghəʼ, zaŋsə fwisə tin, kwoʼtə kumə to tə wèn tə vəwenə, ə vi nə̀ kəgəsə kə, gə̀sə̀ viʼi a mənoyntə

1 Timotì 2:4

Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.