Jems 2:6 - The New Testament in the Babanki language

⁶ Ghə̀ŋ ə bòŋsə̀ chasə viʼi kəmfem. Gaʼa kò à diʼ viʼi vəghoʼkəvə a və zəʼtə̀ ghə̀ŋ be lyɨ̀ ghə̀ŋ dyʉ̀ nə̀ ghə̀ŋ a kəbòʼ kə nsoʼ?

Jems 2:6 Referans Kwoze

1 Kolìntyàns 11:22

Ghə̀ŋ ko kiʼ aloʼ nzhɨ tsu be nyʉ mu? Ghə̀ŋ diʼ alə̀, chasə ngə̀ŋ Nyìngòŋ! Ghə̀ŋ kəŋ ə ndiʼsə kətʉ kə viʼi vyi a və ko kiʼ kəfo mu? A fʉ̀ no ghò nə̀ ghə̀ŋ a? Ghə̀ŋ kəŋ la mà ə bwomsə ghə̀ŋ a nyʉ̀ a venə mu? Mà zizi ko ma lu mwòm.

Jems 5:4

Ghə̀ŋ zhʉtə a! Viʼi a və shwèʼè təsɨm təŋtə ghə̀ŋ zhɨ təko tə vəwenə dì no a gɨ to, di vəwenə aghenə diʼ mu ghə̀ zaʼa li a tiʼitiʼi Bobo yì a ghə̀ ŋaŋtə li nkwʉʼ.

Jems 2:3

Wù mu lye wìʼ yì a ghə̀ shɨtə̀ ə̀ nlaf ə̀ gàʼ à wen la, “Ŋwʉʼʉ a kəshi kə jùŋ kə ashə̀”, alì ə̀ gàʼ à wù kəmfem yì la, “Tɨmə a fàʼà, ko la ŋwʉʼʉ boʼsə kəshi kèn a mà ə tomtə̀ aghʉ ghomə tsu lə̀.”

Shwèʼ 17:6

Vəwenə kwen tsu kò vəwenə lù yèn Bol wenə̀ Silàs mù ghàʼ Jasòn wenə̀ viʼi vəbyɨməvə vətsenvə ə̀ gùf ə̀ vì nə̀ vəwenə a shɨ viʼi nsoʼ, zɨmə̀ gàʼà la, “Viʼi venə diʼ mu vəwenə nəʼə li tò mbì tsèm, luwèn vəwenə vì li nzaʼa a vəghəŋ a ntə̀ʼ,

Shwèʼ 13:50

Viʼi Jus venə sə bosə nghoʼo viʼi a ntə̀ʼ ayì nə̀ kì və ghoʼkəvə a və ngumlə̀ Nyìngòŋ la vəwenə nku ngəʼ à Bol wenə̀ Balnabas. Viʼi avenə mù dzɨ̀m ə̀ shìsə̀ vəwenə fà ntə̀ʼ ayì.

Shwèʼ 8:3

Saul bòŋsə̀ zìtə̀ sə kəŋə la viʼi vəbyɨməvə me, ə̀ sə kwenə tò a ngə̀ŋ a ngə̀ŋ, ghaʼtə̀ lʉmə nə̀ ki, we vəwenə a mfɨŋ.

Jems 5:6

Ghə̀ŋ ə ne li la və soʼ ə̀ byɨ̀sə viʼi ntosə, ə̀ byɨ̀sə vəwenə kèn la vəwenə soyn li ghə̀ŋ.

Shwèʼ 18:12

Andìʼ ando və ghʉ̀ Galiyò la ghə̀ nsoʼo shə loʼ ayi a və ndzàŋə̀ nə̀ Akayà, Vəjew vətsenvə tsèntə̀ ghàʼ Bol ə̀ dyʉ̀ nə̀ wen a kəshi kə nsoʼ

Joyn 8:49

Yesò ə gàʼ a vəwenə la, “Ma ko kiʼi kəzhwì kə kəbyɨkə. Ma gumlə Tìʼ ghom, ali ghə̀ŋ chasə mò.