Jems 1:19 - The New Testament in the Babanki language

¹⁹ Ghə̀ŋ kɨ kènkə a vəlèmə̀ və kòŋə̀ mò: Ghə̀ŋ ntùʼù zhʉtə̀ kənyʉ̀ a mà gàʼà no a nkàyn, kə ghə̀ŋ a zàŋsə̀ gàʼà, kə ghə̀ŋ a zàŋsə̀ fwisə tin.

Jems 1:19 Referans Kwoze

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

Kòlòsyàns 3:8

Alì ma sə gàʼa a ghə̀ŋ luwen la ghə̀ŋ maʼa nyʉ̀ na venə no ətsèm to nə̀ fwisətinə. Kə ghə̀ŋ baʼtə̀ ə ne mbyɨ a viʼi kò zhò ndzɨŋ ə byɨsə əzhiʼ ə wìʼ. Kə gaʼa ə fwaʼləghə ne nfʉ̀ fa ghə̀ŋ chʉ̀.

Efisyàns 4:31

Ghə̀ŋ maʼa kwoʼtə ə əbyɨghə no ə tsèm nə̀ ətoŋ ə fwi ghə̀ nə̀ tinə fwi nə̀ kəŋkə̀ nə̀ telə mbaʼsə nə̀ əgaʼa bàm a bàm no tèbe nə̀ əbyɨf ə kò.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Ŋwàʼlə̀ Luk 19:48

alì kò vəwenə lu yen kənyʉ̀ əcho fa yi a bàm byiʼ ando viʼi nko kòŋ əshwè kənyʉ̀ kə muʼ fà wen ziʼi.

Ŋwàʼlə̀ Mak 2:2

mù dyʉ̀ zhùŋtə̀ a ngə̀ŋ tsu no vəghoʼo a ji a no kəshi kə ko bè ndiʼ a tì ngə̀ŋ ko a kəbəŋ ə viʼi tɨmə tsu. Ghə̀ mù sə shə̀ʼtə̀ kənyʉ̀ kə Nyìngòŋ à vəwenə.

Shwèʼ 10:33

Mà mù tɨm ntɨm tò a zhʉ ayì, wù be sə kiʼ tyɨm jùŋghə be mvi tò vi. Luwèn lə̀, vəghəŋ sə tsèntə diʼ a shɨ Nyìngòŋ, kə̀ʼtə̀ əzhʉ nyʉ̀ tsèm a Bobo gaʼà la wù shə̀ʼtə̀ à yès.”

Shwèʼ 2:42

vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Ŋwàʼlə̀ Luk 15:1

Tʉʼ layn kətsi kətsenkə, viʼi vyi a və tinə kənsè bènə̀ viʼi ne nyʉ̀ byɨvə və tsen və sə dyʉ̀ a mbyɨ̀ Yesò ədyʉ̀ zhʉtə ziʼi wen.

1 Joyn 2:21

Mà ko nyòʼò nyʉ̀ venə à ghə̀ŋ byìʼàndo ghə̀ŋ ə ko kɨ̀ kənyʉ̀ kə nəmwèʼè, alì mà nyòʼò byìʼàndo ghə̀ŋ ə kɨ li ə be nkɨ la ndzɨ̀ŋ ə ko diʼ a tyì nəmwèʼè.

Shwèʼ 13:48

Viʼi tɨm nè zhʉ̀ kənyʉ̀ akì sə saŋlə no nànto be bwomsə̀ ntɨm jùŋ Bobo. Viʼi a Nyìngòŋ ntsuʼ li la vəwenə lù kiʼi bwòŋ a ghə̀ ko lu mè byɨmə à Bobo Yesò.

Ŋwàʼlə̀ Mak 12:37

Nkàntə̀ Devìt ə toŋtə̀ wen la Bobo kə ncho ale la ghə̀ be ndiʼ wàyn Devìt a? Nòyn ghoʼo ghə̀ yi nè zhʉ̀ kənyʉ̀ kì a ghə̀ yì gàʼ lì sə saŋlə̀.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Jems 1:2

Vəlemə vwomə ghə̀ŋ nlyɨ̀ a nə̀ saŋlə ghoʼo ghə̀ a zhʉ a təmwòmsə̀ tə vì à ghə̀ŋ a jisə a jisə.

Jems 1:16

Kə ghə̀ŋ be ghʉsə la viʼi vətsenvə lobtə ghə̀ŋ a vəlèmə̀ və kòŋ mò.

Jems 2:1

Vəlèmə̀ vwomə, ando ghə̀ŋ ə diʼì viʼi vəbyɨməvə à Yesò Klistò ə Bobo kanə vəghəŋ, ghə̀ŋ ko diʼ nlyɨ̀ la wìʼ ə chò ghətsen.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

Jems 3:10

Vəghəŋ ə ghoʼsə̀ nə̀ əchʉ be telə̀ tò nə̀ wenə ghə̀. Vəlèmə̀ vwomə kə ko yi diʼ ndiʼ alə̀.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.

Jems 5:12

A kwi nyʉ̀ no tsèm a ma gaʼà li a vəlèmə̀ vwomə, kə wìʼ à kàyn kənyʉ̀. Kə wìʼ a kàyn a zhiʼ Nyìngòŋ ko a zhiʼ ə̀ kəfo kətsenkə a nse ko kàyn tè məkàyn məntsenə. Alì kənyʉ̀ kə ndiʼ ə wìʼ byɨmə, ghə̀ ə byɨmə tò byɨmə, ə ndiʼ ə wìʼ tensə, ghə̀ tensə tò tensə ndi kə və lù soʼ ə̀ byɨ̀sə ghə̀ŋ.

Jems 5:19

Vəlèmə̀ vwomə, wìʼ fà ghə̀ŋ sətsèn dyʉ̀ kəghaf fa nəmwèʼè, wutsen ne la ghə̀ bwènə̀ vì tsu,