Jems 1:17 - The New Testament in the Babanki language

¹⁷ No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.

Jems 1:17 Referans Kwoze

Joyn 3:27

Joyn gàʼ a vəwenə la, “Wìʼ zi ghə̀ ne to kənyʉ̀ kì a Nyìngòŋ ə ku kədyòʼ la ghə̀ ə nè.

Matìyò 7:11

Viʼi və byɨvə alə̀ to nə̀ ghə̀ŋ lə sətsèn ə nə̀ kɨ ə ku fo ə jùŋvə a vunə, no Tìʼ ghə̀ŋ a kaŋ a faŋ ale ke ku fo ə jùŋvə a viʼi vyì a və bèm a wen a?

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

1 Joyn 1:5

Ntɨm ghèn a yès ə shə̀ʼtə̀ à ghə̀ŋ luwèn dìʼ mu yès ə nzhʉ̀ fà Yesò Klistò. Ntɨm ayì dìʼ la: Nyìngòŋ diʼi əbayn ko mfɨnə̀ lù ndiʼ a wen no fa mpfen.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

Efisyàns 2:8

A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

1 Kolìntyàns 4:7

A gàʼ ndò a wù la wù chò viʼi vətsenvə a? A diʼ no ghò a wù kiʼi ko andiʼ la və ku ku a wù a? Wù sətsen ə̀ kiʼ kəfo mu və kù ku, wù a ghaŋsə əwen sə və ko kù ku byìʼì gho?

1 Joyn 4:10

Nkàyntə̀ əkòŋ dìʼ ghenə: kə ko diʼ tè la vəghəŋ ə̀ nkòŋə̀ Nyìngòŋ, alì ghə̀ kòŋ vəghəŋ ə̀ tɨ̀m wàyn wen ndi ə chò fà wen, ghə̀ lyesə ku mbyɨsə vəghəŋ.

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Joyn 1:9

Əbayn na ghenə ndiʼ əbayn nəmwèʼè a ghə̀ ə vi a mbi ə nku əbayn a viʼi və tsèm.

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Kəmwetə 22:5

Əchʉʼ ə jɨghə ko bè lu diʼ. Vəwenə ko bè lu kəŋ tebè vəlamə kò chwìchwì byìʼì ando Bo Nyìngòŋ lu ndiʼ əbayn a vəwenə, a wenə vəwenə nə̀ soʼo əfòyn to məzhʉ̀ ə tsèm.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

1 Timotì 6:16

ghə̀ diʼ ko ə ghə̀ lu ə pfʉ, dìʼ a ntìntìn əbayn yi a wìʼ ə zi ko ghə̀ lə bòʼtə̀ ashɨ ə wen ə ki. Wìʼ ko təmə yen Nyìngòŋ a ghèn, ko ghə̀ diʼ ə lu ə yen. Viʼi diʼ ə ghoʼsə wen. Ghə̀ nsoʼo mbi ghèn no nə̀ kədyòʼ no məzhʉ ntsèm! Amèyn.