Hibùlù 1:3 - The New Testament in the Babanki language

³ Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 1:3 Referans Kwoze

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Joyn 1:4

Ghə̀ ə nkiʼi ntsìnə̀, ntsìnə̀ ayi ku əbayn a viʼi.

Hibùlù 10:12

Alì mu Yesò Klistò ə nku li ə wèn ə wen a kəku a Nyìngòŋ to ghaynə ə mùʼ ə shʉ̀ mbyɨsə viʼi to əghayn əmùʼ. Ghə̀ nkù ali ə dyʉ̀ nyʉ̀ʼmə ashə kwoŋ ətoghə Nyìngòŋ.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

2 Bità 1:16

Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Hibùlù 7:27

Ghə̀ ko diʼ to nə̀ vəpfèm və ngə̀ŋ Nyìngòŋ sətsen shisə a sə ndiʼ ku kəku kumə mbyɨsə vəwenə to mətsi ə tsèm, mibu sə be ku kumə mbyɨsə viʼi. Ghə̀ diʼ mu ghə̀ nku wenə wen a kəku byìʼì mbyɨsə viʼi to ghaynə əmùʼ kə be mè to ali.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Kòlòsyàns 3:1

Ando ghə̀ŋ sə diʼ mù Nyìngòŋ ə lùsə li ghə̀ŋ və Yesò fa pfʉ amuʼ, ghə̀ŋ ghʉ tətyɨm təŋtə a nyʉ̀ yi a və diʼi akàŋ, akəshi yi a Yesò ŋwʉ̀ʼ tsu ashə kwoŋ ə toghə Nyìngòŋ.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Shwèʼ 7:56

Ghə̀ mù gàʼ la, “Ghə̀ŋ yen a! Ma yenə ando kàŋ boʼmə̀ be nyen Wè Wìʼ, ghə̀ ti a shyə kwoŋ toghə Nyìngòŋ.”

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Hibùlù 9:16

Wìʼ nə̀ tɨfə kətyɨf, və moʼtə, ə lu kɨ nəmwèʼè la ghə̀ pfʉ li mibu və gətə əfo ə wen.

Matìyò 22:24

“Ndìʼsə̀ Mosìs nlù gàʼ à yès la, Lèmə wìʼ sətsèn pfʉ kiʼ wùwì alì kènla ghə̀ kìʼ vunə, lèmə̀ wu pfʉ ayì dìʼi nyòŋsə̀ wùwì mpfʉ ayì ndi wenə wen bwi vunə lèmə wen.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 1:13

Nyìngòŋ ə nko ə Ngàʼa a Ntsɨŋsə wen la: “ŋwʉʼʉ mə ashə kwoŋ ə toghə ə mò ə zàʼa ando mà nè ə viʼi kəbàyn ə wù ndiʼ əfo vi a wù tomtə aghʉ wu a yi kwi.”

2 Bità 1:17

A ndiʼ ando tiʼi wen, ə Bobo Nyìngòŋ kùʼsə wen ə ne la ghə̀ kiʼi əbayn ə ghoʼo ghə̀, yès yen. Yès ə zhʉ li ando Nyìngòŋ ghə̀ŋ a ghə̀ kiʼi kədyòʼ no kə tsèm ə gaʼa ə gàʼa la, “Ghèn diʼ wàyn əkòŋ ə mò, ma saŋlə kumə wen no nəkwoŋ.”