Gàlesìyà 6:8 - The New Testament in the Babanki language

⁸ Wìʼ ə sətsen ə wè to kəfo kì a kə fwomə a njòsə wèn ə wen, a ghə̀ lù pfì əpfʉ̀. Wìʼ ə sətsen ə wè kəfo kì a kəzhwì kə ə kəŋə la ghə̀ nè, ghə̀ lu pfì ntsìnə̀ yì a ghə̀ ko lu mè.

Gàlesìyà 6:8 Referans Kwoze

Lumans 8:13

Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.

Jems 3:18

Viʼi a və kòŋə̀ mbwaʼmə̀, ə ghʉ mbwaʼmə̀. Nakènkə nè viʼi tsi ntsìnə̀ ə jùŋ.

2 Bità 2:19

Vəwenə ə ghʉ viʼi a venə gàʼa la vəwenə a nè, ko viʼi a vyi ə be diʼ əkòs, ali nkàyntə̀ vəwenə diʼ əkòs a vəwenə a mbyɨsə. Kə diʼ alə̀ byìʼì ando no tèbe ghò nə̀ zhʉsə tisə wìʼ, ghə̀ sə shyèʼ to kəkòs a kəwenkə.

Gàlesìyà 6:7

Kə wìʼ na lobtə wèn ə wen. Wìʼ ə zizi ko ghə̀ lu chəʼ Nyìngòŋ. Wìʼ ə wè no tèbe ghoʼ, ghə̀ lù pfì to kəwenkə.

Lumans 13:14

Ghə̀ŋ boŋsə ghaʼ to ntsìnə̀ ə fi yì a Bobo Yesò Klistò ə ku li a ghə̀ŋ a fo ghòŋ. Kə vəghəŋ na kù ji la njòsə əwen ə vəghəŋ sə tisə vəghəŋ, kwetə tèbe ghò ando sə kòŋ, vəghəŋ ə ne to ne.

Kəmwetə 22:11

Wìʼ yi a ghə̀ tsi ntsìnə̀ kəməŋ nə̀ faŋ ə nə̀ tsi to ntsìnə̀ kəməŋ, a wìʼ yi a ghə̀ kiʼi kwoʼtə ə əbɨghə faŋ ə nə̀ kiʼ to kiʼi, a wìʼ yi a ghə̀ diʼi atì-ati faŋ ə nə̀ nè to nyʉ̀ vyi a və diʼi atì-ati, a wìʼ yi a ghə̀ diʼi nə̀ laynə ə faŋ ə ndiʼ to nə̀ laynə ə.”

Joyn 4:36

Luwen wìʼ yi a ghə̀ pfi ə kiʼi əlòʼ ə jùŋ ghə̀. Ghə̀ pfi viʼi və byɨməvə vyi a zizi və kiʼi ə ntsìnə̀ yì a ghə̀ ko lu mè, ndiʼ wù we nə̀ wu pfi ə tsèntə saŋlə.

Ŋwàʼlə̀ Jud 1:21

Ghə̀ŋ ə ntsi ntsìnə̀ ghə̀ŋ, kɨ nəmwèʼè la Nyìngòŋ ə koŋə ghə̀ŋ to ando ghə̀ŋ kəʼtə ə kiʼi ntsìnə̀ yì a ghə̀ ko lu mè to ando Bobo vəghəŋ Yesò Klistò lu ku a ghə̀ŋ byìʼì kusə nshinsə ə wen.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Ŋwàʼlə̀ Luk 18:30

ke Nyìngòŋ kwʉʼsə ghoʼo wen a nsè a shə̀, ə ghə̀ bè kiʼ bwòŋ a ghə̀ lə faŋ tò ghayn mùʼ.”

2 Bità 2:12

Alì ndìʼsə̀sə ə dzɨŋ a sensə ə dèmə̀ nè to nyʉ̀ to nə̀ nyamsə ətòʼ, a və shɨtə to la viʼi ə nku zhwilə. Vəwenə ə tsəʼsə nyʉ̀, ko və kɨ. Nyìngòŋ ə lu byɨbsə vəwenə to nə̀ ə nyamsə ətòʼ a sensə.

1 Timotì 1:16

Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 8:6

Wìʼ ə ghʉ̀ kətʉ̀ a wenə nyʉ̀ ə njòsə wen, ghə̀ a pfʉ, ali mu ghə̀ ghʉ kətʉ kə wen a nyʉ̀ kəzhwì, kə a nè la ghə̀ kiʼi ntsìnə̀ yì a ghə̀ ko lu mè ə be nkiʼi mbwaʼmə.

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

1 Kolìntyàns 15:42

A le ando kə lu ndiʼ azhʉ̀ a viʼi lu lù fa pfʉ. Əwen yi a və bvɨmə lu fùwè, ə yi a lù kò lə be ə fwè.