Filìbàyns 3:6 - The New Testament in the Babanki language

⁶ Na ki kə nè tyɨmə ghomə sə lɨmə, ma sə tsuʼu kəghʉ kə ntsèntə̀sə viʼi vəbyɨməvə Yesò Klistò. A kənyʉ̀ kə tɨməkə, ma nghʉ təsoʼ no tə tsèm to nkayn.

Filìbàyns 3:6 Referans Kwoze

Shwèʼ 8:3

Saul bòŋsə̀ zìtə̀ sə kəŋə la viʼi vəbyɨməvə me, ə̀ sə kwenə tò a ngə̀ŋ a ngə̀ŋ, ghaʼtə̀ lʉmə nə̀ ki, we vəwenə a mfɨŋ.

Matìyò 5:20

Ma mù sə gàʼà à ghə̀ŋ la ntsìnə̀ shəŋsə sətsèn dìʼ ke nti a nkàyn ando Nyìngòŋ kəŋə chò sə ndìʼsə̀sə təsoʼ bènə̀ sə viʼi Falàsi, kò ghə̀ŋ lù kwèn a soʼo fòyn Nyìngòŋ.”

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

1 Kolìntyàns 15:9

Byìʼàndo ma ko diʼi no tebe wìʼ a ntìntìn ə̀ viʼi ntɨm, ko ma kʉʼʉ li və ntoŋtə mò la wù ə ntɨm byìʼì ando ma ə nfaŋ li ə sə ku ngəʼ to ku a tsèntə̀sə viʼi Nyìngòŋ.

Lumans 7:9

Ma ə̀ ntsi ando mà ko tɨmə kɨ Əsoʼ ali əsoʼ ə lu vi no achʉʼ ə ko ma sə kòŋ no nànto ə nè mbyɨ, mu pfʉ.

Shwèʼ 26:5

be kɨ mò no fà kəghaf mu vəwenə zì və shə̀ʼtə̀ ə̀ mwètə̀ no nkàyn a zhʉ a vəwenə koŋə, la mà dìʼ wu Falàsi mu mà nlu li sə ghoʼsə̀ Nyìngòŋ no tè a ji kò a Və Falàsi nghoʼsə̀ Nyìngòŋ fa tsu.

Shwèʼ 21:20

Vəwenə zhʉ nyʉ̀ avenə sə ghoʼsə̀ Nyìngòŋ mù gàʼ à Bol la, “wu zi wu yen la ngwaʼ və Jus a və zi ko və lu taŋ əbyɨmə li be ghʉ soʼ Mosìs no nkayn.

Ŋwàʼlə̀ Luk 1:6

Vəwenə vətsèm ntsi kətsi kə tɨmə kə a shɨ Nyìngòŋ. Nè nyʉ̀ vyi a və gàʼ no tsèm bè ghʉ təsoʼ tə Nyìngòŋ no tətsèm, kò vəwenə lə nkiʼ məghàm no fa mpfen

Matìyò 23:25

Ngəʼ ghoʼo diʼ à ghə̀ŋ ndìʼsə̀sə təsoʼ bènə̀ viʼi Falàsi. Ghə̀ŋ viʼi kəmbɨ̀lə̀ kə ashɨ venə! Ghə̀ŋ lyɨ̀ kaŋ vəŋə nə̀ ndoŋsə shəŋsə ghə̀ŋ tùʼù shʉ̀ tò dzemsə shisə alì tin shisə diʼ mu sə lwin li tò nə̀ kəmɨ̀ŋ kə fo a ghə̀ŋ ghaʼ nshi byìʼì kəmbàŋ mbàŋ.

Shwèʼ 22:5

Kətʉ kə tʉtʉ vəpfèm və ngə̀ŋ Nyìngòŋ nə̀ vəchəʼ və loʼ no vətsèm zì və tɨmə a nə̀ viʼi və yenəvə a nyʉ̀ venə a ma gàʼà lə̀. Vəwenə nyòʼò li vəŋwàʼlə̀, ə̀ kù kədyòʼ à mò gàʼà la mà dyʉ̀ ə̀ kù à vəlèmə̀ vwomə Vəjew a ntə̀ʼ Damaskus ə̀ ghaʼtə viʼi vyi a və ndzɨ̀mtə̀ Jì fi aghèn ə̀ vì nə̀ vəwenə a Jelusalèm ndi və ku ngəʼ à vəwenə.

1 Kolìntyàns 10:32

Kə ghə̀ŋ ə ntsi a ji ə ne la viʼi Jus kò viʼi Gɨ̀lìs kò viʼi və byɨməvə Nyìngòŋ fəŋ a mbyɨ.

Filìbàyns 2:15

Sətsen ghə̀ŋ ne alə ko wìʼ lù ghàm ghə̀ŋ a kənyʉ̀. Ghə̀ŋ be ə ndiʼ viʼi kənyʉ̀ kə tɨməkə bè kwʉ̀ʼ mè a nə vunə və juŋəvə Nyìngòŋ a və tsi a tyì mbyi mbyɨsə nə̀ viʼi mbyɨsə. Ghə̀ŋ diʼi ə ndiʼ à vəwenə ntìntìn alì diʼ əbayn à vəwenə to nə mədzɨ̀ŋ.