Filìbàyns 3:18 - The New Testament in the Babanki language

¹⁸ Ando ma ngaʼa li a ghə̀ŋ to ghaynə ghayn ə be sə gyisə gàʼà luwèn nə̀ məshɨ à mo ashɨ la viʼi no vəghoʼ a ma tə ngaʼa ghə̀ŋ byìʼì ji a vəwenə ətsi ədiʼ la vəwenə diʼ viʼi ə kəbàyn ziʼi yi a ghə̀ gaʼa byìʼì əpfʉ Klistò a kəntò.

Filìbàyns 3:18 Referans Kwoze

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Gàlesìyà 6:12

Viʼi vyi a və soʼ ghə̀ŋ la və shətə ə ndyə̀ ghə̀ŋ diʼ viʼi a və kəŋə ə ndiʼi əwen la vəwenə diʼ a nkayn. Vəwenə ne alə byìʼì ando vəwenə ə fwàynə̀ la vəwenə sətsen ə ziʼi la viʼi diʼ bwòŋ byìʼì əpfʉ̀ ə Klistò a kəntò, viʼi a ntsuʼ kəghʉ kə vəwenə.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

2 Bità 2:10

Nyìngòŋ ə baʼtə̀ ngəʼ viʼi vətsenvə nəkwoŋ, a yi viʼi vyi a və tensə kədyòʼ kə Nyìngòŋ, ə sə nè to nyʉ̀ kəməŋ vi a njòsə wèn ə̀ vəwenə sə kòŋ. Ndìʼsə̀sə ə dzɨŋ na sensə ə ko fwaynə tebè kəfo, ko və zhʉtə tebè kənyʉ̀ fa wìʼ. Vəwenə ko gumlə tebè ətsɨŋsə Nyìngòŋ akàŋ, boŋsə telə səwensə telə.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

Filìbàyns 1:4

Ma diʼ nə̀ saŋlə a zhʉ ma jɨ̀mə̀ a ghə̀ŋ no zhʉ̀ko.

Gàlesìyà 5:21

kiʼ ashɨ kəmbàŋbàŋ, nyʉ chòsə̀ məlyʉ̀ʼ bomə, kòŋ ə nzhùŋtə̀ ashi nyʉ məlyʉ̀ʼ ne to nə̀ bʉsə. Nki ənyʉ̀ a vyi diʼ to kədə̀ŋ. Ma kù kətyiftə a ghə̀ŋ luwen ndə̀ŋndəŋ ando ma tə ku fa ambì la, “Viʼi vi a və nè nyʉ̀ na venə ko lu kiʼi kəshi a akəshi kə əfòynə ə Nyìngòŋ.”

Gàlesìyà 2:21

Mà zizi ko ma lu tensə ətyɨm ə jùŋə ghə̀ Nyìngòŋ. Wìʼ sətsen sə diʼ ndiʼ ti a nkayn wenə Nyìngòŋ byìʼì to ando ghə̀ ghʉ Əsoʼ, à ne ndiʼ la Yesò mpfʉ to kədyàŋ.”

2 Kolìntyàns 11:29

Ma yenə wìʼ ghə̀ bwaʼa kumə kənyʉ̀ kə Nyìngòŋ, kənyʉ̀ a kì sə ku ngəʼ a mò, ma sə diʼ to sə a diʼ mo. Və ne wìʼ ə fəŋ a mbyɨ, kənyʉ̀ a kì sə ku ngəʼ a mò no nànto.

2 Kolìntyàns 11:13

Viʼi a venə nə̀ zhò to dzɨŋ la vəwenə diʼ viʼi ntɨm, vəwenə diʼ viʼi shyèʼè kənlobtə̀, bɨ̀lə̀ la vəwenə diʼ viʼi ntɨm ə Yesò.

2 Kolìntyàns 2:4

Mà tə nyoʼo ŋwàʼlə̀ a ghə̀ŋ, nyʉ̀ ə ku ngəʼ a mò no nànto, ko ma saŋlə, a shiʼi to məshɨ fa mo ashɨ. Ma ko tə kòŋ ə nè ə tyinə shəŋsə fwi, mà tə kòŋ ə diʼ la ma kòŋ ghə̀ŋ no nànto.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

1 Kolìntyàns 1:18

Vəghəŋ kɨ la ntɨm byìʼì əpfʉ̀ ə Yesò a kəntò diʼ to kəkoyn kənyʉ̀ a viʼi vyi a və lèkə̀ dyʉ̀, ali a vəghəŋ vyi a Yesò ə bwòŋsə li, ghə̀ diʼi kədyòʼ kə Nyìngòŋ.

Lumans 9:2

Ə nyʉ̀ diʼ a mò a tyɨm a və ku ngəʼ a mò no nànto.

Ŋwàʼlə̀ Luk 19:41

Ghə̀ ne sə boʼsə dyʉ̀ ntə̀ʼ Jelusalèm ə kyi dyʉ̀sə̀ nə̀ ntə̀ʼ ayì, nshinsə ku wen, ghə̀ dì,

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

2 Tèsàlonyà 3:11

Yès ə gàʼa alə̀ byìʼì ando yès ə zhʉ li la viʼi vətsenvə diʼ a ghə̀ŋ a ntìntìn mu vəwenə tensə li la vəwenə ə ko be shyèʼè tebe no kənyʉ̀ kə tsen kə ə gyàmtə̀ təwen tə vəwenə ə faŋ sə kwensə chò to nə̀ chʉ a nyʉ̀ ə viʼi.

Shwèʼ 20:19

No tè ando Vəjew vətsenvə mbaʼtə̀ nyʉ̀ byɨvə byìʼì mò, be ku ngəʼ à mò nè la mà ndì. Mà tə nè shwèʼ ə ghomə to nə̀ wù shwèʼ Bobo be gumlə̀ viʼi tò məzhʉ̀ ntsèm.

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.