Filìbàyns 2:11 - The New Testament in the Babanki language

¹¹ No tè ndò be ə ngàʼà a ndayn la Yesò Klistò dìʼ Bobo gàʼà a lì, ghoʼsə̀ Nyìngòŋ a diʼì Nyìngòŋ ə̀ Tìʼ.

Filìbàyns 2:11 Referans Kwoze

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

Lumans 14:11

Kə diʼ to ndə̀ŋndəŋ ando və nyoʼ li la Bobo gàʼ la, “Ma diʼ Nyìngòŋ ghə̀ŋ a ma tsi, gàʼa la no ndò lu gʉʼtə alʉ ə wen a mo ashɨ, no ndò gàʼ nə̀ əchʉ̀ ə wen la ma diʼ Nyìngòŋ.”

Joyn 13:13

Ghə̀ŋ toŋtə mò la ndìʼsə̀, be toŋtə la Bobo, kə diʼ to nəmwèʼè.

1 Joyn 4:2

Ghə̀ŋ zì ghə̀ŋ kɨ la wìʼ kìʼ kəzhwì kə Nyìngòŋ a ji la wìʼ ayì ə byɨmə la Yesò Klistò ə mvi li a mbi ashə̀ a wen ə wìʼ.

Lumans 14:9

Kə diʼ alə̀ byìʼì ando Yesò ə mpfʉ ə bwensə lù fa pfʉ, ə ndiʼ Bobo a viʼi vyi a və tsi nə̀ viʼi a və pfʉkə li.

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

Kəmwetə 3:5

Və lu lafsə no ndò yì a ghə̀ lu soyn ə̀ zhɨ mbyɨ nə̀ ndisə fəfəsə, ko ndiʼ la mà lu tsəʼsə̀ zhiʼ ə wen fa ŋwàʼlə̀ ə̀bwòŋ. Mà lu tɨmə gàʼ to ndayn la mà kɨ wen a shɨ Tìʼ ə ghom wenə̀ ntsɨ̀ŋsə wen.

Matìyò 10:32

“No ndò a ghə̀ byɨmə ashɨ ə viʼi la ghə̀ diʼ wù ə ghòm,no nkàyntə̀ mò lə byɨmə a Tìʼ ghom a kaŋ la ghə̀ diʼ wù ə ghòm.

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Shwèʼ 2:36

“Viʼi Islel no vətsèm diʼi əkɨ nəmwèʼè la Nyìngòŋ ə ne li Yesò ghèn a ghə̀ŋ tə̀ bayntə a kəntò lə̀ sə diʼ Bobo bè diʼ Klistò.”

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

Lumans 15:9

Ghə̀ nvi ndi nè la viʼi ətɨm ə kuʼsə Nyìngòŋ kumə kusə shɨnsə ə wen to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “Byìʼì nakèn kə, mà na kuʼsə wù a ntìntìn ə viʼi kətɨm. Mà na zhɨmə ə dzaŋsə kuʼsə zhiʼ ə wu.”

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Joyn 12:42

Nò tèbe ali, viʼi vətsevə nə̀ viʼi Jus vətsevə və ə byɨmə li a Yesò, to kədə̀ŋ, ali ko və lù fʉ̀ a ndayn byìʼàndo vəwenə ə mfwàynə̀ la və fʉ, viʼi Falàsi a dzɨ̀m vəwenə fa ngə̀ŋ ntsentə.

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 13:14

Ma shʉ li aghʉ ghəŋə diʼ Nyìngòŋ ghə̀ŋ, be diʼ ndìʼsə̀. Kə lə diʼi la no ndò fa ghə̀ŋ a ntìntìn diʼi ə̀ shʉ aghʉ lèmə̀ wen.