Filìbàyns 1:10 - The New Testament in the Babanki language

¹⁰ Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 1:10 Referans Kwoze

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

Lumans 2:18

Ghə̀ŋ gaʼa la ghə̀ŋ kɨli kənyʉ̀ ki a Nyìngòŋ ə kəŋ, kɨ kikə a kə diʼi fəchìʼ nə̀ kikə a kə ko kwʉ̀ʼ byìʼàndo ghə̀ŋ ziʼi li Əsoʼ ə Nyìngòŋ ə sə kɨ.

Efisyàns 5:10

Ghə̀ŋ mwomsə ziʼi ə kɨ be ne nyʉ̀ vyi a və nè Bobo ə saŋlə.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Filìbàyns 1:6

Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

1 Tèsàlonyà 5:21

Ghə̀ŋ boŋsə kaʼtə no nyʉ̀ ə tsèm ə yen la, və le lù to no fa Nyìngòŋ ə lo. Ghə̀ŋ yen to kə nəmwèʼè kə ghə̀ŋ a byɨmə,

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

Lumans 8:7

Wìʼ ə ghʉ̀ kətʉ kə wen a nyʉ̀ ə njòsə wen, və a ne la ghə̀ ə bàynə̀ Nyìngòŋ, ko ghə̀ zhʉ tebè əsoʼ ə wen, mu ghə̀ zizi ko ghə̀ lu kɨ ə zhʉ.

Matìyò 26:33

Bità gàʼ la, “Və ne sə nyɨŋ wù no vətsèm kò ma lə̀ nyɨŋə fa tsu.”

Filìbàyns 1:16

Viʼi a venə a və shə̀ʼtə̀ ətɨm ə jùŋə nə̀ tyɨmə jùŋ ghə̀ lə̀, əshəʼtə byìʼì ando vəwenə kòŋ mo, kɨ la və shwin mò a ngə̀ŋ nfɨŋ byìʼì ando ma ti nchwò nsòʼ kumə ntɨm ə jùŋə ghə̀ Nyìngòŋ la ghə̀ diʼ nəmwèʼè.

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Efisyàns 4:15

vəghəŋ ə boŋsə gaʼa to nəmwèʼè diʼi kòŋ a viʼi vətsèm, vəghəŋ a kwi to ji sə tsèm ə ndiʼ ando Yesò Klistò yi a ghə̀ diʼi kətʉ kə vəghəŋ.

Gàlesìyà 5:11

Və le bè ə tsuʼ to kəghʉ komkə a gho, a vəlemə vwomə, azhʉ̀ a kə diʼ nəmwèʼè la, ma ziʼi la və diʼ ə shətə ndyə̀ ə viʼi a? Kə sətsen ə ndiʼ nəmwèʼè, mu ziʼi yì a ma ziʼi kumə Klistò a ghə̀ mpfʉ a kəntò ko be zafə viʼi Jus.

2 Kolìntyàns 8:8

Ma ko gaʼa alə la ma ku a nə̀ əsoʼ. Ali ma kəŋ diʼ ji a wenə viʼi vətsevə fwomə vəwenə kəŋ gyàmtə̀, ndiʼ ma kɨ la əkòŋ ə ghə̀ŋ diʼ nəmwèʼè mu lo.

2 Kolìntyàns 6:3

Yès ə ko kòŋ ə nè no kənyʉ̀ kə mùʼ ə kə byɨbsə shyèʼ ə yèsə. Ndì kə wìʼ a yen no kənyʉ̀ kəbyɨkə a yès a tyi shwèʼè.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

1 Kolìntyàns 10:32

Kə ghə̀ŋ ə ntsi a ji ə ne la viʼi Jus kò viʼi Gɨ̀lìs kò viʼi və byɨməvə Nyìngòŋ fəŋ a mbyɨ.

1 Kolìntyàns 8:13

Kə le diʼi la nyàm sətsèn ə ndiʼ mu ghə̀ zizi ghə̀ ne la lèmə̀ ghom ne mbyɨ, ko ma bè lu phiʼ nyàm, ndi kə mà ne ghə̀ fəŋ.

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

Lumans 7:22

A diʼ a mo a ti tyɨm ma kòŋ ə wʉ̀ əsoʼ ə Nyìngòŋ,

Lumans 7:16

Luwen lə ando ma nè kənyʉ̀, a diʼ nyʉ̀ a ma ko kòŋ, à lə diʼ la ma byɨmə la Əsoʼ ə ti a nkàyn.

Shwèʼ 24:16

A le kənyʉ̀ a kə ne mà sə mwòmsə no məzhʉ̀ ntsèm nkiʼ ətyɨm ə laynə ghə̀ a shɨ Nyìngòŋ bènə̀ a shɨ viʼi.

Joyn 3:20

Nò ndò yi a ghə̀ ne nyʉ̀ ə byɨvə ko kòŋ əbayn, ko ghə̀ lu kòŋ ə fʉ̀ fa tsu, ə nyʉ̀ ə byɨvə ə wen a fʉ̀ a ndayn.

Filìbàyns 2:16

Ghə̀ŋ ə ntsi ando ntɨm ə̀bwòŋ ghèn ə ziʼì la və ntsi ndi à lu ndiʼ a kətsi a Klistò ə bwènə̀ vì, mà ə nsaŋlə̀ la mà ko nshwèʼè kwàʼtə̀ əwen ə ghomə tò kədyàŋ.