Filìbàyns 1:1 - The New Testament in the Babanki language

¹ A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 1:1 Referans Kwoze

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

1 Timotì 3:8

Ənyʉ̀ a venə a mà gàʼa lə̀ ə be dyʉ̀ to ndə̀ŋndəŋ à viʼi vyi a və shyèʼ a ngə̀ŋ Nyìngòŋ. Vəwenə ə diʼ ə nkiʼ ntsìnə̀ ə jùŋ, gàʼa nəmwèʼè, kə vəwenə a nku tə wen tə vəwenə à məlyʉ̀ʼ, kə ashɨ vəwenə a mbò a ko.

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

1 Tèsàlonyà 1:1

A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

Hibùlù 13:23

Ghə̀ŋ nkɨ la və shisə li lèmə̀ vəghəŋ Timotì fa nfɨŋ. Ghə̀ sətsen zàŋsə vì, yo wen a vi yen ghə̀ŋ a əmuʼ.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

Efisyàns 1:15

A lə kənyʉ̀ ki a ma sə ku kəzòŋ a Nyìngòŋ, byìʼì ghə̀ŋ a mò a jɨ̀m to məzhʉ̀ ə tsèm fa chʉʼ a mà nzhʉ əbyɨmə a ghə̀ŋ kiʼi a Bobo vəghəŋ Yesò Klistò, nə̀ kòŋ yì a ghə̀ŋ kiʼi a viʼi Nyìngòŋ no vətsèm.

1 Kolìntyàns 16:10

Timotì vi no zhʉ̀ko, kə ghə̀ŋ a ne la ghə̀ nki əfwàyn a ghə̀ŋ a ntìntìn byìʼì ando ghə̀ ne shyèʼ Bobo ndə̀ŋndəŋ to nə̀ mò.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Ŋwàʼlə̀ Mak 13:34

Kə lu ndiʼ to nə̀ wìʼ a ghə̀ sə ndyʉ̀ a jèʼ nghʉ viʼi shwèʼ wen la və nlye fo wen, no mə ndò kiʼ kətʉ kə shwèʼ wen a ghə̀ ku. Ghə̀ mù gàʼ à wìʼ a ghə̀ ti a chʉ mbàyn la ghə̀ ntùʼtə̀ lyè.

Kəmwetə 22:9

Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”

Kəmwetə 2:12

Ghə̀ bè gàʼ à mò la, Nyoʼo à ntsɨ̀ŋ ngə̀ŋ Nyìngòŋ yì a ghə̀ diʼì a ntsèntə̀ viʼi və byɨməvə a Belgamum la: Ntɨm ghèn lù fà wìʼ yì a ghə̀ ə kiʼì nyì ngwoləŋ ə lyɨmə lì.

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Shwèʼ 1:20

“Byìʼè və nyoʼo li a ŋwàʼlə̀ Salms la, ‘Ngə̀ŋ wen faŋ tò zɨm, kə wìʼ lu ntsi tsu,’ bè nyòʼ la, ‘Wù kədyàŋ lyɨ kəshi kə wen nshwèʼè.’”

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Filìbàyns 2:5

Ghə̀ŋ ə nkiʼ tò ntsìnə̀ yì a Yesò Klistò ə̀ nkìʼ lì.

Filìbàyns 2:19

Sətsen Bobo Yesò a tomsə mo ə mà tɨm Timotì à ghə̀ŋ to mətsi ghèn ndi ghə̀ bwenə vì ə̀ shyə̀ʼtə̀ soʼgho à mò byìʼì ghə̀ŋ ə̀ nè ma ə nsaŋlə̀.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 3:8

A ko diʼ to Wokèn. Mà yenə luwèn la ənyʉ̀ avenə tə nsù diʼ kənlè byìʼàndo kənyʉ̀ kə tokə à mò dìʼ la mà diʼi kɨ Yesò Klistò ə Bobo ə̀ ghom. Mà maʼà li no tè ghò a mà tə nè. Ma yen li luwen la a diʼ kəmɨ̀ŋ ndi ə ndiʼ wù Klistò

Filìbàyns 3:12

Mà ko gàʼà la mà kwʉʼʉ̀ li a kənyʉ̀ akènkə, ko la ma tɨmə ə nkwʉʼ alì la mà mwòmsə̀ no nə̀ kədyòʼ kə əkɨ Yesò Klistò ə be ə ndiʼ to nə̀ wen byìʼàndo à dìʼ kənyʉ̀ a ghə̀ ntsuʼ mo la ə ma ndiʼ wù wen.

Filimùyn 1:1

A nyòʼò mò Bol nyoʼtə ŋwàʼlə̀ ghèn a wù a Filimùyn. Ma diʼ a ngə̀ŋ nfɨŋ byìʼì ando ma tə shwèʼè a Yesò Klistò. Yo Lèmə̀ vəghəŋ wu byɨmə Timotì ə tɨmə ə toŋtə ə wù. Wù diʼ wù ndoŋ ə yès, Yès ə kòŋ wù no nànto, wù shwèʼè a Yesò ndə̀ŋndəŋ to nə̀ yès.