Efisyàns 6:6 - The New Testament in the Babanki language

⁶ Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Efisyàns 6:6 Referans Kwoze

1 Tèsàlonyà 2:4

Yes ə mbòŋsə̀ gaʼa to ando Nyìngòŋ ə kəŋ byìʼì ando ghə̀ tə ə tsuʼ yes la yes shə̀ʼtə̀ ntɨm ə jùŋ ghèn, ko yes lu shə̀ʼtə̀ tebè fa ji yi a viʼi kəŋ. Yes ə shə̀ʼtə̀ ə nè la Nyìngòŋ ə saŋlə byìʼì ando ghə̀ kɨli tətyɨm təŋtə.

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Efisyàns 5:17

Kə ghə̀ŋ ne ntsi to nə̀ nkoynə. Ali ghə̀ŋ mwomsə ə kɨ nyʉ̀ vyi a Bobo ə kəŋ la ghə̀ŋ ə nè.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Hibùlù 10:36

Ghə̀ŋ diʼ ə nto a ghə̀ŋ əbyɨmə ndiʼ ghə̀ŋ nè kənyʉ̀ kì a Nyìngòŋ ə kəŋ la ghə̀ŋ nè, ghə̀ lu ku kəfo kì a ghə̀ ghʉ̀ la ghə̀ lu ə ku a ghə̀ŋ.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Matìyò 7:21

“A ko diʼ viʼi və tsèm a və a laʼtə tò alə̀ dzàŋ mo la ‘Bobo, Bobo,’ a və lə kwen akəshi yi a Nyìngòŋ ə soʼo əfòyn ə wen tsu a kaŋ. A lə kwenə tò vyi a və dzàŋ ali bè ne to ando kwòʼtə ə Tìʼ ghom a kaŋ ə kəŋ.

1 Joyn 2:17

Mbi ə chò cho ə boʼsə nə̀ fo vi a viʼi nyɨŋə fà yi bàm. Alì wìʼ yì a ghə̀ nè tò ando Nyìngòŋ ə kəŋə lu faŋ tò ghayn ə̀ mùʼ.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Tèsàlonyà 4:3

Nyìngòŋ ə kəŋ la ghə̀ŋ ntsi ntsìnə̀ yì a ghə̀ kəŋ, ghə̀ le kəŋ la, kə wìʼ fa ghə̀ŋ nə̀ tsi nə̀ wì wìʼ kò wenə lɨmə wìʼ no faphen,

Ŋwàʼlə̀ Mak 3:35

No ndò a ghə̀ ne kənyʉ̀ kì a Nyìngòŋ kəŋə dìʼ lèmə̀ ghom, wùwì nə̀ wulɨm à bè dìʼ lì ghom.”

1 Kolìntyàns 7:22

Wìʼ ndiʼ la ghə̀ ndiʼ kəkòs mibu Bobo dzàŋə wen mu ghə̀ sə diʼ fa ngeŋ, ndə̀ŋndəŋ ando ghə̀ sə dzàŋ wìʼ, ghə̀ diʼ fa ngeŋ, ghə̀ sə diʼ kəkòs a Yesò.