Efisyàns 6:24 - The New Testament in the Babanki language

²⁴ Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Efisyàns 6:24 Referans Kwoze

Matìyò 22:37

Yesò bwènsə̀ gàʼ la, “A dìʼ yi a ghə̀ gàʼ à la, Wù diʼ kòŋ Bobo Nyìngòŋ wù nə̀ tyɨm wu no tsèm, nə̀ kəzhwì kə̀ no kə tsèm, bènə̀ kwòʼtə̀ wu no tsèm.

2 Kolìntyàns 8:12

byìʼì ando ghə̀ŋ sə nku kəfo, ghə̀ŋ ə nsaŋlə̀ ə ku ki kə a ghə̀ŋ kiʼi, Nyìngòŋ a shì kəku a kì, mu ghə̀ŋ sətsèn faŋ ke kiʼi kəfo, ko Nyìngòŋ a nki kəfo fa ghə̀ŋ.

Taytùs 3:15

Viʼi vi a yo vəwenə diʼ a shen tɨmə̀ ətoŋtə à wù. Toŋtə ndoŋsə shyə̀sə afì a diʼì viʼi və byɨməvə. Nyìngòŋ diʼ boŋə tyɨm ə wen à ghə̀ŋ no vətsèm.

Taytùs 2:7

No nkàyntə̀ wù a Taytùs diʼ ndìʼì kəchwitə kə jùŋə kə no tè a gho yì a wù nè. Ghaʼ əziʼi wu ghə̀ to; kə wù lyɨ̀ a dem a dem.

2 Timotì 4:22

Bobo a gyàmtə̀ wù. Nyìngòŋ ə diʼ ətyɨm ə jùŋ ghə̀ no a ghə̀ŋ və tsèm.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

2 Kolìntyàns 8:8

Ma ko gaʼa alə la ma ku a nə̀ əsoʼ. Ali ma kəŋ diʼ ji a wenə viʼi vətsevə fwomə vəwenə kəŋ gyàmtə̀, ndiʼ ma kɨ la əkòŋ ə ghə̀ŋ diʼ nəmwèʼè mu lo.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Hibùlù 13:25

Nyìngòŋ ndiʼi ətyɨm ə jùŋə ghə̀ a ghə̀ŋ no vətsèm.

Kòlòsyàns 4:18

A nyoʼo to no mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə kòmkə. Kə ghə̀ŋ lyesə la ma diʼ a ngə̀ŋ nfɨŋ. Nyìngòŋ ə ndiʼi ətyɨm ə jùŋə ghə̀ wen a ghə̀ŋ.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.