Efisyàns 6:18 - The New Testament in the Babanki language

¹⁸ Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Efisyàns 6:18 Referans Kwoze

1 Tèsàlonyà 5:17

jɨ̀mə̀ a Nyìngòŋ ə to məzhʉ̀ ə tsèm.

Kòlòsyàns 4:2

Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

1 Timotì 2:1

Kənyʉ̀ kə to kə a ntìntìn ənyʉ̀ venə a ma gàʼà lə diʼ la, ghə̀ŋ ə njɨ̀mə̀ no à viʼi və tsèm, jɨ̀mə̀ la Nyìngòŋ gyàmtə̀ ə ku əfo vyì a vəwenə ə kəŋ. Ghə̀ŋ ə ku kəzòŋ à wen kùmə̀ ənyʉ̀ ə jùŋvə vi a ghə̀ nè à viʼi.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.

Ŋwàʼlə̀ Mak 14:38

Ghə̀ŋ ə mbvʉ̀tə̀ be jɨ̀mə̀ la kə mwòmsə̀ à vì à ghə̀ŋ. Mà kɨ li la à dìʼ à ghə̀ŋ a kwòʼtə̀ ghə̀ŋ kòŋə̀ ənè ando mà gàʼà alì kò kədyòʼ kə lu ndiʼ à ghə̀ŋ a wen.

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

Matìyò 26:41

Ghə̀ŋ ntsi kə̀ʼə̀ be jɨ̀mə̀ ndi la kə mwòmsə̀ à vì à ghə̀ŋ. Mà kɨ la tətyɨm təŋtə kòŋə̀ ənè kənyʉ̀ a mà gàʼà alì təwen təŋtə bwaʼa.”

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Ŋwàʼlə̀ Mak 13:33

Ghə̀ŋ ntùʼmə̀ be bvʉ̀tə̀ byìʼàndo ghə̀ŋ ko kɨ zhʉ a nyʉ̀ avenə lu lyɨ kəshi.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

Ŋwàʼlə̀ Luk 22:46

Ghə̀ bèm a vəwenə la “Ghə̀ŋ bʉnə̀ byìʼì ghò? Ghə̀ŋ lu ə jɨ̀m ndì nè la kə mwòmsə̀ a vì ghə̀ŋ.”

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

Filìbàyns 1:4

Ma diʼ nə̀ saŋlə a zhʉ ma jɨ̀mə̀ a ghə̀ŋ no zhʉ̀ko.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Shwèʼ 12:5

Və ghʉ Bità a ngə̀ŋ mfɨŋ, alì ntsèntə̀ viʼi vəbyɨməvə vi faŋ a bàm sə jɨ̀mə̀ à Nyìngòŋ nə̀ tətyɨm tə vəwenə no tsèm à wen.

Filimùyn 1:5

Ma nə̀ ku kəzòŋ a Nyìngòŋ byìʼì ando ma zhʉ li jì yì a wù byɨmə a Bobo vəghəŋ Yesò fa tsù ə bè sə kòŋə̀ viʼi Nyìngòŋ no və tsèm.

Shwèʼ 10:2

Ghə̀ ndìʼ wu jùŋ, gumlə̀ Nyìngòŋ wenə̀ ngwàʼa ngə̀ŋ wen no tsèm nə̀ viʼi a və nshwèʼè à wen. Kòneliyòs nku gyàmtə̀ à viʼi kəmfem, be jɨ̀mə̀ à Nyìngòŋ no məzhʉ tsèm.

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Efisyàns 3:18

Ma jɨ̀mə̀ ndi ghə̀ŋ ə̀ tsèntə tofə kwʉ̀ʼʉ̀ vye viʼi Nyìngòŋ vətsenəvə kɨ la əkòŋ ə Klistò ə ghoʼo to jisə tsèm a ghə̀ ko lu mè.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

Efisyàns 2:22

Ghə̀ŋ və viʼi vətsenvə lu tsèntə diʼ a ntìntìn ə Klistò, ghə̀ shɨtə ghə̀ŋ la ghə̀ŋ ə diʼ kəshi kì a kəzhwì kə Nyìngòŋ kə ə tsi tsu.

Ŋwàʼlə̀ Luk 3:37

Lamèk ndiʼ wàyn Metuselà, Metuselà ndiʼ wàyn Enòk, Enòk ndiʼ wàyn Jalet, Jalet ndiʼ wàyn Màʼalalil, Màʼalalil ndiʼ wàyn Kenàn,

Kòlòsyàns 1:4

Yès ə ku kəzòŋ a Nyìngòŋ byìʼì ando yès əzhʉ li la ghə̀ŋ byɨmə li a Yesò Klistò be sə kòŋ viʼi Nyìngòŋ no və tsèm.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Ŋwàʼlə̀ Luk 3:26

Nagay ndiʼ wàyn Mat, Mat ndiʼ wàyn Màtàtiyàs, Màtàtiyàs ndiʼ wàyn Simèyn, Simèyn ndiʼ wàyn Josèk, Josèk ndiʼ wàyn Jodà,

Kòlòsyàns 1:3

Yès sə ku kəzòŋ a Nyìngòŋ Tìʼ Bobo vəghəŋ Yesò Klistò no zhʉ̀ko a yes ə jɨ̀mə̀ kumə ghə̀ŋ.

Matìyò 17:21

Wìʼ zì ghə̀ dzɨ̀mə̀ shisə̀ nki kəzhwì kə byɨkə anə̀ kèn tò a zhʉ a ghə̀ jɨ̀mə̀ be bamə chʉ̀.”]