Efisyàns 5:29 - The New Testament in the Babanki language

²⁹ Wìʼ ə ko ntəmə ə bàynə̀ əwènə wen. Ghə̀ ne shɨtə zhɨ, be tùʼmə̀ nə̀ əwenə wen to ndə̀ŋndəŋ ando Klistò ə tùʼmə̀ nə̀ ngə̀ŋ Nyìngòŋ.

Efisyàns 5:29 Referans Kwoze

Efisyàns 5:31

Ŋwàʼlə̀ Nyìngòŋ gàʼ la, “A le kənyʉ̀ ki a wulɨm lu moʼtə tìʼ wen nə̀ lì wen, ə dyʉ̀ ə tsèntə̀ wenə wì wen, vəwenə və bò ə tsentə ə diʼ to a kənyʉ̀ kə mùʼ.”

Matìyò 23:37

Yesò ne gàʼà myètə̀ mù zìtə̀ sə sheʼkə̀ gàʼà la,“Wemey, ghə̀ŋ viʼi Jelusalèm a ghə̀ŋ nzhwilə̀ nshə̀ʼtə̀sə sə ghoʼkəsə bè tèmlə viʼi vyi a və ntɨmə̀ à ghə̀ŋ ə̀ zhwilə lə̀! A dìʼ à ghan à shə̀ʼ a ma mwòmsə̀ li əpfʉtə ghə̀ŋ ando mpfì mbvʉ lə mpfʉ̀tə vunə wen à wen a ti alì ghə̀ŋ nyɨŋ tò nyɨŋ a?

Lumans 1:31

Vəwenə ə dzɨŋtə, ko və lu kòŋ viʼi, ko və nkusə tebè nshinsə a wìʼ.

Matìyò 6:26

Ghə̀ŋ ki li to no mənyin mèn a mə tàynə chò a kaŋ, la mə ko lə wye fozhɨvə, ko mə lə mpfi, ko mə ghʉ kəfo akàŋ, ali Tìʼ ghə̀ŋ yi a ghə̀ diʼì a kaŋ ə lu zhis vəwenə tò zhis. Gaʼa ko ghə̀ŋ kuʼmə chò mənyin na mèn?

Efisyàns 5:28

Kə diʼ la wulɨm diʼ ə kòŋ wì wen to ndə̀ŋndəŋ ando ghə̀ kòŋ wèn ə wen. Wulɨm sətsen ə kòŋ wùwì wen, kə a ndiʼ la ghə̀ kòŋ əwèn ə wen.

Efisyàns 5:30

Kə diʼ alə byìʼì ando, vəghəŋ ə tsèntə diʼ to bàs əwen ə Klistò.