Efisyàns 5:14 - The New Testament in the Babanki language

¹⁴ Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Efisyàns 5:14 Referans Kwoze

1 Tèsàlonyà 5:6

Ando kənyʉ̀ na ki ə sə diʼ alə, vəghəŋ ə kodiʼ ə nə̀ dèmə̀ bʉnə to nə̀ viʼi vətsenvə, vəghəŋ ə diʼ ə nə̀ boŋsə nyʉ̀ʼ, bvɨtə be ghaʼa təwen tə vəghəŋ,

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Kòlòsyàns 3:1

Ando ghə̀ŋ sə diʼ mù Nyìngòŋ ə lùsə li ghə̀ŋ və Yesò fa pfʉ amuʼ, ghə̀ŋ ghʉ tətyɨm təŋtə a nyʉ̀ yi a və diʼi akàŋ, akəshi yi a Yesò ŋwʉ̀ʼ tsu ashə kwoŋ ə toghə Nyìngòŋ.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

Joyn 9:5

Ma diʼ ə ne nku əbayn a viʼi mbyi ə zàʼa to ando mà bo diʼ a mbyi.”

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

2 Timotì 1:10

Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

2 Timotì 2:26

Vəwenə sə dìʼ mu və fəŋ li a kətam nə̀ Deblə̀ ə sə ə ne ə shwèʼ ə wen, alì mu Nyìngòŋ zi ghə̀ ne tə tof tə vəwenə bwenə vi, vəwenə nyɨŋ fʉ̀ fa kətam a ghèn.

Shwèʼ 13:47

A lè kənyʉ̀ a Bobo gàʼa li ə̀ nku a soʼ à yès. Ghə̀ ngàʼa li la: ‘Mà nè la ghə̀ŋ ndiʼ bayn à viʼi tɨm ndi no viʼi vətsèm a mbi bwoŋ byìʼì ghə̀ŋ.’”

Ŋwàʼlə̀ Luk 1:78

Nyìngòŋ vəghəŋ kusə nshinsə bè bwaʼmə ghə̀ a nè la chʉzhʉ saʼa ə bayn a vəghəŋ kətʉ.

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.