Efisyàns 5:11 - The New Testament in the Babanki language

¹¹ Kə ghə̀ŋ kwen a ntsìnə̀ kəbəŋ kə fenəkə, a kənyʉ̀ kə jùŋkə zizi ko kə lu fʉ̀ fa tsù. Ghə̀ŋ ne boŋsə shisə viʼi vyi a və nə̀ nyʉ̀ a venə a ndayn.

Efisyàns 5:11 Referans Kwoze

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

1 Timotì 5:20

Chəʼ ngə̀ŋ Nyìngòŋ ə ne mbyɨ, wu gham ə wen tò a ndayn ndi viʼi vətsenvə yen ə fàyn.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

Kəmwetə 18:4

Mà bè zhʉ̀ əgɨ̀ tsen ghə̀ gàʼà fʉ̀ fa kàŋ la, “Viʼi vwomə, ghə̀ŋ fʉ fa tsu, a bwen a lì ghə̀ŋ à tsèntə̀ à wen ə mbyɨsə, ngəʼsə sə̀ wen sə be kwe ghə̀ŋ.

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!

2 Tèsàlonyà 3:14

Wìʼ ə sətsen ə tensə la ghə̀ ko nè tebè kənyʉ̀ ki a yès nyòʼ a ghə̀ŋ a ŋwàʼlə̀ ashə, ghə̀ŋ ghʉ̀ əshɨ a wenə wen. Ghə̀ŋ ghʉ̀ ali, kə ghə̀ŋ na be nè tèbè nyʉ̀ ghə̀ŋ vəwenə ndi kətʉ kə wen kəndiʼ.

Lumans 6:21

Kə diʼ nəmwèʼè la ghə̀ŋ ko se kənyʉ̀ kə tsen kə fa a ntìntìn nyʉ̀ na venə a ghə̀ŋ ə nè. Ghə̀ŋ sə diʼsə kətʉ kumə nyʉ̀ na venə luwen. Kəmwètə kə nyʉ̀ na venə ə diʼ to əpfʉ̀.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

Gàlesìyà 6:8

Wìʼ ə sətsen ə wè to kəfo kì a kə fwomə a njòsə wèn ə wen, a ghə̀ lù pfì əpfʉ̀. Wìʼ ə sətsen ə wè kəfo kì a kəzhwì kə ə kəŋə la ghə̀ nè, ghə̀ lu pfì ntsìnə̀ yì a ghə̀ ko lu mè.

1 Tèsàlonyà 5:7

byìʼì ando viʼi nə̀ nè və sə bʉnə to nətʉʼ, viʼi a və nyʉ məlyʉ̀ʼ əbe nyʉ bomə to nətʉʼ.

Ŋwàʼlə̀ Luk 3:19

Kə ndiʼ ali Joyn lù ə ghàm fòyn Helòd a ghə̀ nsoʼo shə loʼo tsèn ghə̀ a ndiʼ ando ghə̀ ghaʼ shi Helodiyas a ndiʼi wì lèmə̀ wen ə bè nè nyʉ̀ byɨvə tsen və.

Efisyàns 5:7

Kə le diʼi la ghə̀ŋ ko diʼ ə kiʼi no tə kənyʉ̀ ənè wenə viʼi venə.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Matìyò 18:15

Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Efisyàns 5:12

A diʼ nyʉ̀ ə kətʉ̀ kədiʼkə ə̀ ngàʼà no tèbe gaʼa kumə nyʉ̀ vyi a viʼi nyʉ̀ ə byɨvə a venə ə nè a kənlyomtə.

Kòlòsyàns 1:12

ku kəzòŋ a Tìʼ ando ghə̀ ne li ghə̀ŋ, nkwʉʼʉ ə gətə əfò vì a ghə̀ ghʉ̀ a viʼi wen a kəshi kə baynə kə.

1 Timotì 5:22

Kə wù a ə lyuŋlyuŋ əghʉ avu a wìʼ a kətʉ ə nè la ghə̀ ə kwʉʼmə a kəlyɨŋ ə ne shwèʼ a ngə̀ŋ Nyìngòŋ, a bwen alì wù ne tsentə wìʼ a yi a tì ənyʉ̀ ə byɨvə ə wen. Mwòmsə ə ndiʼ nə̀ laynə.