Efisyàns 4:32 - The New Testament in the Babanki language

³² Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Efisyàns 4:32 Referans Kwoze

Ŋwàʼlə̀ Mak 11:25

Wù nè tɨ̀mə no a zhʉ̀ kò sə njɨ̀mə̀ nkiʼ kənyʉ̀ wenə̀ wìʼ, wu maʼa kənyʉ̀ akì ndi tìʼ wù yì a ghə̀ diʼ a kàŋ be lyèsə̀ ku mbyɨsə shyə̀sə.

2 Kolìntyàns 2:10

Ghə̀ŋ yi lyesə ku wìʼ a kənyʉ̀ a ghə̀ byɨbsə, kə ne ndiʼ la ma be ə lyesə nku wen. Ma lyesə kù wìʼ azhʉ̀ a kənyʉ̀ kə diʼ ə və lyesə, a ndi mu mà lyesə, ne ghə̀ŋ a jùŋ, to ndə̀ŋndəŋ ando Yesò ə kəŋ.

Efisyàns 5:1

Ghə̀ŋ diʼ alə̀ diʼ vunə Nyìngòŋ, ghə̀ kòŋ ghə̀ŋ no nànto. Kə le diʼi la ntsìnə̀ ghə̀ŋ diʼi ndiʼ to nə̀ ghə̀ Nyìngòŋ.

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Ŋwàʼlə̀ Luk 6:37

“Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

1 Kolìntyàns 13:4

Wìʼ ə sətsen ə nkòŋ viʼi, a ghə̀ ne wensə be tuʼmə, wìʼ ə sətsen ə nkòŋ viʼi, kò ghə̀ be a ghə̀ʼə̀ vəwenə, kò ghə̀ be nà kùmə kədyʉ̀ʼ, ko ghaŋsə əwèn.

Ŋwàʼlə̀ Luk 17:4

Ghə̀ nè nyʉ̀ byɨvə à wù no ghaynə ashə̀ʼ a kətsi, ghə̀ nè no zhʉ̀ ko, vì sensə wù la, ghə̀ ko be lu mwòm, wu lyèsə̀ ku wen.”

Matìyò 6:12

Lyesə ku ənyʉ̀ ə byɨvə ə yès, tò ndə̀ŋndəŋ ando yès ə lyèsə̀ ku no ndò yì a ghə̀ ne mbyɨ a yès.

1 Joyn 2:12

Mà nyòʼò nyʉ̀ a venə à ghə̀ŋ a vunə vwomə byìʼàndo Nyìngòŋ ə lyesə li nku mbyɨsə sə̀ŋsə chò fà Yesò Klistò.

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

1 Joyn 1:9

Vəghəŋ sətsèn ə dì a wèn byìʼì mbyɨsə vəghəŋ, Nyìngòŋ à lyesə ku ə mbyɨsə vəghəŋ ə̀ bè shʉ̀ vəghəŋ, vəghəŋ laynə fa ə mbyɨsə sətsèm, byìʼe ghə̀ dìʼ wù kənyʉ̀ kətɨməkə be diʼ wìʼ ə və nzhəʼtə̀ à wen ə wèn.

2 Kolìntyàns 2:7

Ghə̀ŋ lyesə ku wen luwen be bwaʼsə ə tyɨm ə wen a bwen alì, a ghə̀ a faŋ a kwoʼ mbyi ə fəŋ fa wen a byɨmə.

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

Ŋwàʼlə̀ Luk 11:4

Lyèsə̀ ku nyʉ̀ byɨvə yès ando yès lyèsə̀ ku no məndo yì a ghə̀ ne mbyɨ à yès. Kə a ghʉsə la mwòmsə vì à yès.’”

Ŋwàʼlə̀ Luk 1:78

Nyìngòŋ vəghəŋ kusə nshinsə bè bwaʼmə ghə̀ a nè la chʉzhʉ saʼa ə bayn a vəghəŋ kətʉ.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.

Shwèʼ 28:2

Viʼi loʼ a vyi gyàmtə̀ yès no a nkàyn ə̀ shɨ̀tə̀ zhiʼ à yès byìʼàndo əghʉ nzìtə̀ li əvì, kətaʼ kə sə̀ diʼ no nànto.