Efisyàns 4:31 - The New Testament in the Babanki language

³¹ Ghə̀ŋ maʼa kwoʼtə ə əbyɨghə no ə tsèm nə̀ ətoŋ ə fwi ghə̀ nə̀ tinə fwi nə̀ kəŋkə̀ nə̀ telə mbaʼsə nə̀ əgaʼa bàm a bàm no tèbe nə̀ əbyɨf ə kò.

Efisyàns 4:31 Referans Kwoze

Kòlòsyàns 3:8

Alì ma sə gàʼa a ghə̀ŋ luwen la ghə̀ŋ maʼa nyʉ̀ na venə no ətsèm to nə̀ fwisətinə. Kə ghə̀ŋ baʼtə̀ ə ne mbyɨ a viʼi kò zhò ndzɨŋ ə byɨsə əzhiʼ ə wìʼ. Kə gaʼa ə fwaʼləghə ne nfʉ̀ fa ghə̀ŋ chʉ̀.

1 Bità 2:1

Nyìngòŋ sə diʼ mù ghə̀ ku li ntsìnə̀ ə fi a ghə̀ŋ. Ghə̀ŋ maʼa li tətyɨm təbyɨtə nə̀ kənlobtəkə nə̀ kəmbàŋmbàŋ kə, nə̀ kəghəʼ kə nə̀ gaʼa ə əbyɨghə.

Jems 1:19

Ghə̀ŋ kɨ kènkə a vəlèmə̀ və kòŋə̀ mò: Ghə̀ŋ ntùʼù zhʉtə̀ kənyʉ̀ a mà gàʼà no a nkàyn, kə ghə̀ŋ a zàŋsə̀ gàʼà, kə ghə̀ŋ a zàŋsə̀ fwisə tin.

Kòlòsyàns 3:19

Ghə̀ŋ diʼ ə kòŋ ki vəŋə a lʉ̀mə və lamkəvə. Kə ghə̀ŋ ə fwàynsə a vəwenə.

Jems 3:14

A sətsèn ghə̀ŋ ə nkiʼ kənghə̀ʼ kə byɨkə a ghə̀ŋ a tətyɨm nə̀ kənywi, kə ghə̀ŋ a nkuʼsə̀ təwen təŋtə zhò ndzɨ̀ŋsə la ghə̀ŋ kiʼi tof.

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

1 Joyn 3:12

Vəghəŋ ə ko diʼ ə ndiʼ tò nə̀ Keyn. Ghə̀ ndìʼ wù Deblə̀ ə̀ zhwì lèmə̀ wen. Ghə̀ nzhwi wen byìʼì ghò? Ghə̀ nzhwi wen byìʼàndo ghə̀ nè nyʉ̀ byɨvə alì lèmə̀ wen diʼ wù kənyʉ̀ kətɨməkə.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

1 Timotì 3:11

Ki vi a və shyèʼ a ngə̀ŋ Nyìngòŋ be diʼ nkiʼ ntsìnə̀ ə jùŋ, ko vəwenə gaʼa kùwòŋ, ali dìʼ tò a vəwenə a ətof, ne no te ghò tò nəmwèʼè.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

Gàlesìyà 5:20

gumlə nshəʼsə, shəŋə mənyoʼ, bàynə̀ viʼi, soynə, kiʼi kəghəʼ, zaŋsə fwisə tin, kwoʼtə kumə to tə wèn tə vəwenə, ə vi nə̀ kəgəsə kə, gə̀sə̀ viʼi a mənoyntə

1 Kolìntyàns 5:8

Vəghəŋ sə nzhɨ̀ li kəzhɨ kəməzaʼsə na kènkə, kə Vəghəŋ a zhɨ̀, nə̀ ətyɨm ə byɨghə kò nə̀ mbyɨ. Mbyɨ ə diʼ to nə̀ kəbayn nə̀ fəshɨŋfə, vəghəŋ boŋsə zhɨ̀ nə̀ kəbayn kì a ko kiʼ fəshɨ̀ŋ à diʼ ətyɨm ə ŋwoʼghə nə̀ kənyʉ̀ kì a kə diʼ nəmwèʼè.

Lumans 3:14

A lwin to ndzɨŋsə, nə̀ gaʼa ə əbyɨghə a vəwenə chʉ̀.

Kəmwetə 12:10

Fà yì a bàm, mà zhʉ gɨ̀ ə to ghə̀ gàʼ ə̀ vì fa kàŋ la, “Ə̀bwòŋ nə̀ kədyòʼ nə̀ ə̀soʼ ə fòyn ə Nyìngòŋ ə̀ vəghəŋ bènə̀ àdyoʼ Klistò ə vi li luwèn byìʼàndo və moʼ li ə̀ shiʼsə̀ wen yì a ghə̀ tə nti a shɨ ə̀ Nyìngòŋ vəghəŋ ghàmə̀ vəlèmə̀ və vəghəŋ nə̀nchwì nə̀ nəntʉʼʉ lì.

1 Joyn 3:15

A mbàynə̀ tè ndò bàynə̀ lèmə̀ wen mu ghə̀ diʼi nzhwi. Ghə̀ŋ ə kɨ la wìʼ yì a ghə̀ diʼi nzhwi ə ko kiʼi əbwòŋ yi a ghə̀ ko lu mè.

Taytùs 2:3

Wù bè diʼ əziʼi ki vətovə to a ndə̀ŋndəŋ jì la vəwenə ntsi a nə̀ viʼi a vəwenə ku li tyɨm vəwenə à Nyìngòŋ, kə vəwenə gàʼà ənyʉ̀ byɨvə byìʼì viʼi vətsenvə, kèn la vəwenə nyʉ məlyʉ̀ʼ bomə̀. Vəwenə diʼ ə ndìʼsə̀ tò ənyʉ̀ juŋəvə

2 Timotì 2:23

Kə wù nə̀ nzhʉtə ə gàʼ kə kəndzɨ̀ŋtə̀ yi a ghə̀ ko shyèʼè no kənyʉ̀. Wù kɨ la əgaʼa a ghenə ə vi tò nə̀ ntaŋ.

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

Shwèʼ 21:30

Ngəʼ mù zì tò shì tsèm a ntə̀ʼ, viʼi shen ə̀ dyʉ̀ ghaʼ Bol ə̀ gùf fʉ̀ nə̀ wen fa tì ngə̀ŋ Nyìngòŋ ə̀ chiʼtə təchʉ̀ ti.

2 Timotì 3:3

Vəwenə ko lu nkiʼ əkusə nshinsə, ko və lyèsə ku viʼi, gàʼa ənyʉ̀ ə byɨvə byìʼì viʼi, ko vəwenə ə ghaʼa təwen tə vəwenə, tsi tò nə̀ nyamsə, ko və nkòŋ ə yenə kənyʉ̀ kə jùŋkə.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Efisyàns 4:25

Kə le diʼ luwen la ghə̀ŋ diʼ ə maʼa ndzɨ̀ŋsə, no ndo ə ngàʼà to nəmwèʼè a lèmə̀ wen byìʼì ando vəghəŋ və tsèm diʼi to nə̀ viʼi a və tsèntə sə diʼ to əwènə mùʼ.