Efisyàns 4:25 - The New Testament in the Babanki language

²⁵ Kə le diʼ luwen la ghə̀ŋ diʼ ə maʼa ndzɨ̀ŋsə, no ndo ə ngàʼà to nəmwèʼè a lèmə̀ wen byìʼì ando vəghəŋ və tsèm diʼi to nə̀ viʼi a və tsèntə sə diʼ to əwènə mùʼ.

Efisyàns 4:25 Referans Kwoze

Kòlòsyàns 3:9

Kə wìʼ fa ghə̀ŋ nə̀ zhò ndzɨŋ a wù ə tsen, byìʼì ando ghə̀ŋ moʼtə li ətsìnə̀sə mu sə nə̀ nyʉ̀ vyi a ghə̀ŋ tə nè,

Lumans 12:5

Kə le diʼ to ndə̀ŋndəŋ a vəghəŋ. Vəghəŋ viʼi vəbyɨməvə diʼ a kənyʉ̀ kəmùʼ diʼ wèn ə mùʼ vəghəŋ və Yesò Klistò, ali diʼ to ə wèn ə mùʼ byìʼì əbyɨmə yì a vəghəŋ ə tsèntə kiʼ a Yesò, no tèbe kəbàs kə kò ə ghàŋtə to wenə kətsen.

Efisyàns 4:15

vəghəŋ ə boŋsə gaʼa to nəmwèʼè diʼi kòŋ a viʼi vətsèm, vəghəŋ a kwi to ji sə tsèm ə ndiʼ ando Yesò Klistò yi a ghə̀ diʼi kətʉ kə vəghəŋ.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

1 Timotì 4:2

Tənkì tə əziʼi a tentə ə diʼ ə ziʼi ndìʼsə̀sə ə ndzɨŋsə, ko tətof tə vəwenə tə ko be tɨmə, mu tə pfʉ li sə diʼ sə və nyʉ̀ʼ nə̀ zhiʼ.

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.

1 Timotì 1:10

Və shɨtə à viʼi vyi a və tsi nə̀ ki, a ko diʼ ki vəwenə, nə̀ lyʉmə, a ko diʼ vəlɨm və vəwenə, ə bè shɨtə a lyʉmə vi a və kaʼsə tsi nə̀ lyʉmə vətsenvə, nə̀ viʼi vyi a və tsòŋ viʼi baʼlə̀, nə̀ viʼi kənwam, nə̀ nchò nsoʼ sə kənlobtə̀, nə̀ vi a və nè no te ghò ə tsen a əziʼi nəmwèʼè ə tensə.

2 Kolìntyàns 7:14

Ma tə kùm kədyʉ̀ʼ a wen byìʼì ghə̀ŋ ali ghə̀ŋ kò tə diʼsə kətʉ komkə. Yès tə gaʼa to nəmwèʼè a ghə̀ŋ. Nò tèbe ghò yi a yès tə gàʼ a Taytùs kumə ghə̀ŋ, kə tə be fʉ to nəmwèʼè.

Taytùs 1:12

Wu tofə viʼi Klete tsen ə̀ ngàʼa la, “Viʼi Klete diʼ viʼi zho ndzɨ̀ŋsə, tsi tò nə̀ nyamsə toʼ sə byɨsə, be diʼ və zhɨ kədyàŋ”.

1 Kolìntyàns 10:17

Kə diʼ alə̀ byìʼì ando vəghəŋ nə̀ ndiʼ tèbe və ghoʼo, və tsèntə ə zhɨ̀ to kəbayn kə mùʼ, kə diʼ la vəghəŋ ə diʼ to ə wèn ə mùʼ.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Efisyàns 5:30

Kə diʼ alə byìʼì ando, vəghəŋ ə tsèntə diʼ to bàs əwen ə Klistò.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Efisyàns 4:31

Ghə̀ŋ maʼa kwoʼtə ə əbyɨghə no ə tsèm nə̀ ətoŋ ə fwi ghə̀ nə̀ tinə fwi nə̀ kəŋkə̀ nə̀ telə mbaʼsə nə̀ əgaʼa bàm a bàm no tèbe nə̀ əbyɨf ə kò.

Kòlòsyàns 3:8

Alì ma sə gàʼa a ghə̀ŋ luwen la ghə̀ŋ maʼa nyʉ̀ na venə no ətsèm to nə̀ fwisətinə. Kə ghə̀ŋ baʼtə̀ ə ne mbyɨ a viʼi kò zhò ndzɨŋ ə byɨsə əzhiʼ ə wìʼ. Kə gaʼa ə fwaʼləghə ne nfʉ̀ fa ghə̀ŋ chʉ̀.

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

1 Bità 2:1

Nyìngòŋ sə diʼ mù ghə̀ ku li ntsìnə̀ ə fi a ghə̀ŋ. Ghə̀ŋ maʼa li tətyɨm təbyɨtə nə̀ kənlobtəkə nə̀ kəmbàŋmbàŋ kə, nə̀ kəghəʼ kə nə̀ gaʼa ə əbyɨghə.