Efisyàns 4:23 - The New Testament in the Babanki language

²³ Və ə mbe nziʼi la ghə̀ŋ maʼa ntsìnə̀ ə mu na yì ə boŋsə kwoʼtə a ji ə fi.

Efisyàns 4:23 Referans Kwoze

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 8:6

Wìʼ ə ghʉ̀ kətʉ̀ a wenə nyʉ̀ ə njòsə wen, ghə̀ a pfʉ, ali mu ghə̀ ghʉ kətʉ kə wen a nyʉ̀ kəzhwì, kə a nè la ghə̀ kiʼi ntsìnə̀ yì a ghə̀ ko lu mè ə be nkiʼi mbwaʼmə.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Lumans 6:4

Kə diʼi la vəghəŋ ə sə shi mu kə sə diʼ to sə vəghəŋ pfʉ li, və bvɨmə vəghəŋ boʼsə nə̀ wen. Kə ndiʼ alə̀ ndiʼ Bobo nè vəghəŋ ə ntsi ntsìnə̀ ə fi ndə̀ŋndəŋ to ando ghə̀ ə nè Yesò, ghə̀ bwensə lù fa pfʉ. Ghə̀ nè alə nə̀ kədyoʼkə kaynə kə wen.