Efisyàns 4:12 - The New Testament in the Babanki language

¹² Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Efisyàns 4:12 Referans Kwoze

Efisyàns 4:16

Klistò tsentə li viʼi a kənyʉ̀ kə mùʼ ando əbàs wen ə tsèm ə diʼ a kənyʉ̀ kə mùʼ, no tèbe zhuŋ ə kò a wen ə gyamtə ə ghaʼ to əwen ə tsèm. No tèbe əshyə ə kò ne shwèʼè to ando ghə̀ diʼ ə nshwèʼè, əwèn ə tsèm ə sə kwi be shɨtə totə. Adiʼ ji a ntsèntə̀sə viʼi vəbyɨməvə diʼi ndiʼ a zhʉ a vəwenə ə kòŋmə təwentə vəwenə.

1 Kolìntyàns 12:27

Ghə̀ŋ vətsèm diʼ alə̀ tsèntə diʼ əwèn ə Yesò, no ndò a ghə̀ŋ ntìntìn diʼ kəbàs kə mùʼ fa tsu.

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

1 Kolìntyàns 14:12

Ma gàʼà la, ando ghə̀ŋ lɨ̀mtə̀ ə kiʼi kəku kə kəzhwì kə Ŋwoʼkə, ghə̀ mwomsə no nə̀ kədyòʼ kə ə ne tə shwèʼ a tə gyàmtə̀ ə kwisə ngə̀ŋ ə Nyìngòŋ.

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

Hibùlù 6:1

Kə lə diʼi la vəghəŋ ə diʼ ko di faŋ to a ziʼi ə mbì yì a və ziʼi vəghəŋ kumə Yesò ə kwen ə dyʉ̀ a ntìntìn əziʼi ə laynə ghə̀. Kə vəghəŋ na faŋ to nyʉ̀ ə mbì nziʼi to la viʼi bwensə tətyɨm tə vəwenə fa nyʉ̀ ə əbyɨvə a və vì nə̀ əpfʉ̀ əbyɨmə a Nyìngòŋ,

2 Kolìntyàns 6:3

Yès ə ko kòŋ ə nè no kənyʉ̀ kə mùʼ ə kə byɨbsə shyèʼ ə yèsə. Ndì kə wìʼ a yen no kənyʉ̀ kəbyɨkə a yès a tyi shwèʼè.

2 Kolìntyàns 5:18

Ənyʉ̀ a venə no tsèm diʼ mu à nè Nyìngòŋ a vəghəŋ, ə bwensə bàtə ntsìnə̀ vəghəŋ, vəghəŋ və wen. Ghə̀ ne alə̀ chò fa Yesò. Ghə̀ ku li shwèʼè a ghenə ə mbaʼtə ntsìnə̀sə viʼi a yès.

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Kòlòsyàns 4:17

Ghə̀ŋ gàʼ a Akibùs la ghə̀ kɨ la ghə̀ diʼ ə mwetə shyèʼ ə Bobo yì a və kù a wen la ghə̀ ne.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

Efisyàns 1:23

Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

2 Kolìntyàns 4:1

Ando Nyìngòŋ ə kusə li shinsə a yès nku shyèʼ ghənə la yès ə nè, yès zizi ko və lu be bwaʼ ə nè.

2 Kolìntyàns 3:8

ko kəzhwì kə Ŋwoʼkə a vi nə̀ baynə ghə̀ chò ghə̀ əsoʼ a?

1 Kolìntyàns 14:14

Mà sətsèn ə̀ jɨ̀mə̀ a gàʼà ə kədyàŋ, kə a ndiʼi la ma jɨ̀mə̀ a mò kəzhwì, ali ko kwòʼtə̀ ə ghomə kɨ kənyʉ̀ a ma gàʼà

Lumans 15:29

Ma kɨli la ma sə nvi ghayntə ghə̀ŋ ə Yesò tsentə bwaʼsə vəghəŋ no nànto.

Lumans 15:2

No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

Lumans 12:7

Nyìngòŋ ə sətsèn ə ndiʼ mu ghə̀ ku li kədyòʼ la wìʼ ə gyamtə viʼi, ghə̀ ə gyàmtə̀, wìʼ ndiʼ nziʼi, ghə̀ nziʼi to ziʼi.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Shwèʼ 1:25

ndi ghə̀ lyɨ kəshi kə wù ntɨm wù ə nè shwèʼ yi a Judàs tə mòʼtə̀ ə̀ dyʉ̀ à wen a kəshi kə ngə̀ŋ.”

Shwèʼ 1:17

Judàs tə ndiʼ wù nòyn yès byìʼàndo Bobo tə ndiʼ mu ghə̀ tsuʼ li wen la yo vəwenə ntsèntə̀ shyèʼè a muʼu.”

2 Timotì 4:11

A faŋ tò Luk a shə̀ yo wen. Wù sə ə nvì wu vi ve Mak ndi ghə̀ ə ngyàmtə̀ mò a mò a shyèʼ.

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

2 Kolìntyàns 13:9

Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

1 Kolìntyàns 12:7

Nyìngòŋ ə ku Kəzhwì kə wen no tèbè a ndò la kə gyàmtə̀ wen ghə̀ nè əshwèʼ jùŋ ghə to viʼi və tsèm.

Lumans 12:5

Kə le diʼ to ndə̀ŋndəŋ a vəghəŋ. Vəghəŋ viʼi vəbyɨməvə diʼ a kənyʉ̀ kəmùʼ diʼ wèn ə mùʼ vəghəŋ və Yesò Klistò, ali diʼ to ə wèn ə mùʼ byìʼì əbyɨmə yì a vəghəŋ ə tsèntə kiʼ a Yesò, no tèbe kəbàs kə kò ə ghàŋtə to wenə kətsen.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.