2 Timotì 3:15 - The New Testament in the Babanki language

¹⁵ Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

2 Timotì 3:15 Referans Kwoze

Ŋwàʼlə̀ Luk 24:45

Ghə̀ mù boʼtə̀ tətof tə vəwenə ndi vəwenə nzhʉ ə kɨ gaʼa Nyìngòŋ,

Ŋwàʼlə̀ Luk 24:27

Ghə̀ mù zìtə̀ fa Mosìs nə̀ nshə̀ʼtə̀sə no sə̀tsèm əgaʼa laynsə nyʉ̀ tsèm a və nyoʼo a ŋwàʼlə̀ Nyìngòŋ byìʼì wen. Ghə̀ mù gaʼa laynsə a vəwenə nyʉ̀ tsèm zìtə̀ fa Mosìs ədyʉ̀ a nshə̀ʼtə̀sə sətsèm nyoʼo li byìʼì wen.

Matìyò 22:29

Yesò mù gàʼ à vəwenə la, “Ghə̀ŋ ə shwe li kənyʉ̀ byìʼàndo ghə̀ŋ ko kɨ̀ kənyʉ̀ kì a ŋwàʼlə̀ Nyìngòŋ gàʼà ko kənyʉ̀ kì a Nyìngòŋ zì ghə̀ ne.

2 Timotì 1:5

Mà bu kwòʼtə̀ ə nkàyntə̀ byɨmə yi a wù kiʼi à Klistò, a diʼ tò əbyɨmə yi a Lowis ə lì ə lì wù wenə Yunis ə li wù nkiʼ. Mà kɨ la wù kiʼi tò əbyɨmə a yi.

Ŋwàʼlə̀ Luk 2:40

Wàyn a ghèn kwi to. Ətof ə wen kwi dyʉ̀ nə̀ mbì, Nyìngòŋ bè bwaʼsə wen.

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

Lumans 1:2

Ntɨm ə jùŋ a ghèn ndiʼ mu Nyìngòŋ ə ghʉ̀ no fa kəghaf ə gàʼ nshə̀ʼtə̀ sə ghoʼkəsə ə wen sə nyòʼ a Ŋwàʼlə̀ Nyìngòŋ.

Shwèʼ 10:43

A dìʼ byìʼì wen a nshə̀ʼtə̀sə ghoʼkəsə no sətsèm nlù gàʼ la, à byɨmə tè ndò à wen, Nyìngòŋ a lyesə nyʉ̀ byɨvə wen byìʼì Yesò.”

Ŋwàʼlə̀ Luk 24:32

Vəwenə sə̀ gaʼa vəwenə a ntyìntyìn la “Gaʼa kò tətyɨm tə vəghəŋ tə yi lɨmə fa tin ando ghə̀ yi ngàʼà laynsə nyʉ̀ a və nyoʼo li a vəghəŋ a ji.”

Shwèʼ 17:2

Bol dyʉ̀ a ngə̀ŋ ntsèntə̀ ayì ando ghə̀ njèʼè nè ə̀ lyɨ̀ mətsi mə nzhʉtəmə Vəjew ntaʼ, əsoʼtə nyʉ̀ a və mfʉ̀ fa Ŋwàʼlə̀ Nyìngòŋ.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Shwèʼ 13:29

Vəwenə nè nè nyʉ̀ vyi no tsèm a və nlù nyòʼ a Ŋwàʼlə̀ Nyìngòŋ byìʼì wen, ndzɨ̀mtə̀sə bàm wen sətsensə shiʼsə bvenə wen fà kəntò ə̀ bvɨmə.

2 Bità 3:16

A diʼ a wen a vəŋwàʼlə̀ vətsevə no və tsèm, lèmə̀ vəghəŋ Bol ə nyoʼtə li ngàʼa to kənyʉ̀ na kènkə. Ghə̀ nyòʼò li nyʉ̀ ə tsenəvə və to və zhʉ ə kɨ. Viʼi vi a və ko ziʼi kənyʉ̀ kə Nyìngòŋ, vəwenə nə̀ʼkə̀ a vəwenə a byɨmə nə̀ tə shyèʼ tə, to ando vəwenə nə̀ kwitə shì ə Ŋwàʼlə̀ Nyìngòŋ ə tsevə. Vəwenə nè alə̀, dzàŋ ngəʼsə a vəwenə a kətʉ.

Ŋwàʼlə̀ Luk 1:15

byiʼè ghə̀ lu ndiʼi no wu ghoʼo a shɨ Bobo. Ghə̀ kò ə nyʉ məlyʉ̀ʼ no fa mpfen, kəzhwì kəŋwoʼkə lu lwin a wen tyɨm ghə̀ bu a bèm ə li wen.

Joyn 5:47

To ando ghə̀ŋ ko əbyɨmə kənyʉ̀ a Mosìs ə nyoʼo, ghə̀ŋ lə̀ zì ghə̀ŋ byɨmə kənyʉ̀ a ma gaʼa a?”

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

Shwèʼ 26:24

Bol nè gàʼ ə̀ zaʼa a kəshi ghèn, Festus zɨmə ə̀ gàʼ la, “Bol, wù dìʼ alə̀ bomə̀. Ŋwàʼlə̀ ghèn a wu ziʼì no nànto lə ne li wù sə bomə̀!”

Lumans 2:27

Wù kətɨm sətsèn ə ndiʼ ko andiʼ la və shətə li ndyə̀ wen to nə̀ avù ali ghə̀ zhʉ to fa Əsoʼ, ghə̀ lù soʼ byɨbsə ghə̀ŋ vi a və shətə li və mbe nyòʼ ku Əsoʼ a ghə̀ŋ, ali ko ghə̀ŋ lu zhʉ byɨmə.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Efisyàns 6:4

Vətiʼi və vunə, kə ghə̀ŋ ə̀ ne vù vəŋə fwisə tin. Ghə̀ŋ ə̀ mboŋsə pfàntə̀ vəwenə be tisə vəwenə a ji yi a Bobo ə kəŋ fa tsù.

1 Timotì 4:13

Wù mwòmsə ndzàŋ Ŋwàʼlə̀ Nyìngòŋ à viʼi, shə̀ʼtə̀ ntɨm ə jùŋ, be ziʼi viʼi ə zaʼa fa zhʉ mà vì.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.