2 Timotì 2:23 - The New Testament in the Babanki language

²³ Kə wù nə̀ nzhʉtə ə gàʼ kə kəndzɨ̀ŋtə̀ yi a ghə̀ ko shyèʼè no kənyʉ̀. Wù kɨ la əgaʼa a ghenə ə vi tò nə̀ ntaŋ.

2 Timotì 2:23 Referans Kwoze

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

Taytùs 3:9

Kə a kwen a bèsə̀ nyʉ̀ a və ko kiʼ ətof, ə̀ be ə ntaŋtə təzhiʼ tə vətìʼ və vəghəŋ və mbì. Kə a kwen a ntaŋ nə̀ əsoyn kùmə̀ ə̀soʼ. Ənyʉ̀ kədyàŋ kədyàŋ avenə ko gyàmtə̀ wìʼ no kənyʉ̀ kətsenkə.

2 Timotì 2:16

Kə wù ə nzhʉtə ə gàʼ ə kəndzɨ̀ŋtə̀ yi a və gaʼa a mbyì a shə̀ byìʼì ando ghə̀ kò ku ə ghoʼsə à Nyìngòŋ. Tənkì tə əgaʼa a tentə tə ne tò la viʼi ghʉsə jì shì a Nyìngòŋ ə kəŋ.

1 Timotì 4:7

Nyɨŋsə wenə wu fa bàm ə mətitì mə zɨmə mi a mə ko diʼ a nkàyn ashɨ ə̀ Nyìngòŋ. Myəʼsə wenə wu ə ntsi a jisə Nyìngòŋ.

1 Timotì 1:4

Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

Jems 4:1

A vì nə̀ ghò vì nə̀ ghoŋə bènə̀ soynə à ghə̀ŋ a ntìntìn a? Gaʼa kò nyʉ̀ avenə chò tò byìʼàndo kəmbàŋbàŋ kə soynə kwòʼtə̀ ə təŋtə nè la ghə̀ŋ ə nyɨŋə fa bàm ə̀fo nse.