2 Timotì 2:14 - The New Testament in the Babanki language

¹⁴ Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Timotì 2:14 Referans Kwoze

2 Timotì 2:23

Kə wù nə̀ nzhʉtə ə gàʼ kə kəndzɨ̀ŋtə̀ yi a ghə̀ ko shyèʼè no kənyʉ̀. Wù kɨ la əgaʼa a ghenə ə vi tò nə̀ ntaŋ.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

Shwèʼ 15:24

Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès.

2 Bità 1:13

Kə diʼ no nkayn la mà ə ndzə̀ŋtə̀ ə nyʉ̀ a vyi a ghə̀ŋ zaʼa fa kətsi a mà lù pfʉ ndi ghə̀ŋ ə kwoʼtə.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

2 Timotì 2:16

Kə wù ə nzhʉtə ə gàʼ ə kəndzɨ̀ŋtə̀ yi a və gaʼa a mbyì a shə̀ byìʼì ando ghə̀ kò ku ə ghoʼsə à Nyìngòŋ. Tənkì tə əgaʼa a tentə tə ne tò la viʼi ghʉsə jì shì a Nyìngòŋ ə kəŋ.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

Matìyò 16:26

Wìʼ lè zì ghə̀ se no ghò a zhʉ a ghə̀ kiʼì mbi ghèn no tsèm, alì kəzhwì kə wen kə le a? Wìʼ lè zì ghə̀ zen sò kətʉ wen no nə̀ ghò?

2 Timotì 1:6

Byìʼì kənyʉ̀ a kenkə, ma ə mbwènsə̀ dzɨŋtə wù la kə wù a moʼtə kəku ki a Nyìngòŋ ə nku à wù ando ma ghʉ̀ avu ə ghomə a wu kətʉ lì.

1 Timotì 1:6

Viʼi vətsenvə ghʉsə li əziʼi a ghenə ə ghaŋtə̀ faŋ tò tə gaʼa tə kədyàŋ kədyàŋ.

1 Timotì 1:4

Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

Taytùs 3:1

Kùmtə à viʼi vyə la vəwenə nshiʼsə̀ təwen tə vəwenə à tʉtʉ vəwenə bènə̀ viʼi a və soʼo vəwenə, zhʉ gɨ̀ be bvʉ̀tə̀ ənè shyèʼ jùŋə ghə̀ no mənzhʉ̀ ntsèm.