2 Timotì 2:11 - The New Testament in the Babanki language

¹¹ Kənyʉ̀ kenkə a və gàʼà lə ə diʼ tò no nəmwèʼè la: “Vəghəŋ sətsen pfʉ vəghəŋ ve wen, mu vəghəŋ lu ndiʼ vəghəŋ vəwen. Ə vəghəŋ lu bwènə̀ ə ntsi to vəghəŋ və wen a muʼ.

2 Timotì 2:11 Referans Kwoze

Lumans 6:8

Ando vəghəŋ sə diʼ mù və pfʉ li vəghəŋ və Yesò, vəghəŋ ə kɨ nəmwèʼè la vəghəŋ və wen lu ə ntsi diʼ.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

Lumans 6:5

To ando vəghəŋ sə diʼ mù və ə nlyɨ̀ li kəshi a ntìntìn əpfʉ̀ ə Yesò, vəghəŋ lu be boŋ lyɨ kəshi a ntìntìn mə lu ə wen fa pfʉ.

2 Kolìntyàns 4:10

Yès zi yès ə pfʉ̀ no zhʉ̀ko, to ndə̀ŋndəŋ ando Yesò mpfʉ̀, ndi viʼi ə yenə la yès ə kiʼi ntsìnə̀ Yesò.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

1 Tèsàlonyà 5:10

Ghə̀ npfʉ̀ byìʼì vəghəŋ ndi vəghəŋ nə̀ vəwenə lu ndiʼ to muʼ azhʉ̀ a ghə̀ bwenə vi, kò vəghəŋ ndiʼ və to, ko və pfʉkə li.

1 Tèsàlonyà 4:17

Nyìngòŋ ə lu lyɨ vəwenə nə̀ vəghəŋ və tsèm vi a və bò tsì, və dyʉ̀ bumtə nə̀ Bobo a boʼsə akàŋ, vəghəŋ nə̀ wen faŋ to amuʼ to məzhʉ̀ ə tsèm.

2 Kolìntyàns 13:4

Kə diʼ nəmwèʼè la ghə̀ ko kiʼ tebè kədyòʼ azhʉ̀ a və mbàyntə wen a kəntò ali, ə bwensə lu sə tsi byìʼì kədyòʼ kə Nyìngòŋ. Kə le diʼi la à diʼ ə ntsìnə̀ yi a yès ə̀ tsì və ghə̀ŋ, yès gho kədyòʼ to nə̀ wen ali be boŋ tsi to tsi byìʼì kədyòʼ kì a Nyìngòŋ ə nkù li a wen.

1 Timotì 3:1

Ə gaʼa nəmwèʼè la no ndò a ghə̀ kəŋ ndi kətʉ a ngə̀ŋ Nyìngòŋ, mu ghə̀ kəŋ ə shwèʼ ə kuʼmə ghə̀.