2 Kolìntyàns 8:9 - The New Testament in the Babanki language

⁹ Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

2 Kolìntyàns 8:9 Referans Kwoze

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

1 Timotì 6:18

Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Ŋwàʼlə̀ Luk 16:11

Ghə̀ŋ le sətsen dìʼ ke kɨ tuʼmə nə̀ ghoʼ mbyì, à lə̀ ku ndo nkàyntə ghoʼ à ghə̀ŋ a?

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

Ŋwàʼlə̀ Luk 9:58

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼi təlòʼ, tə vəwenə alì Wàyn Wìʼ ko kiʼ kəshi ə nyòŋsə̀ kətʉ kə wen tsu ə zhʉ̀tə̀.”

Kəmwetə 3:18

Mà mù sə tyɨftə ghə̀ŋ la ghə̀ŋ zen ə nkàyntə̀ gul fà mò ndi ə ndiʼ viʼi ə ko ə̀ bè zèn vədàlə və fəfəvə mòʼ chiʼtə təwen ə təŋtə tsu ndi ə lyòmtə̀ kətʉ kə diʼikə kì a ghə̀ŋ kiʼi byìʼì ənàʼ ntsuʼ ə vəŋə. Ghə̀ŋ be zèn kəfʉ ə̀ wè à ghə̀ŋ əshɨ ndi ə be ə nyenə əshi

Efisyàns 3:19

Ghə̀ŋ kɨ la əkòŋ wen ghenə cho li ətof, ndi ghə̀ŋ lywin ə kwʉ̀ʼ ə ntsi ntsìnə̀ Nyìngòŋ to ətsèm.

1 Kolìntyàns 1:4

Ma kù kəzòŋ a Nyìngòŋ to məzhʉ̀ ə tsèm kumə ghə̀ŋ byìʼì ətyɨm ə jùŋə ghə̀ yi a ghə̀ diʼi a ghə̀ŋ chò fa Yesò Klistò.

Ŋwàʼlə̀ Luk 2:7

Ghə̀ nbwi wàyn mbì wen à diʼ wulɨm, lemtə wen nə̀ basə ndisə, nyòŋsə̀ wen a tyi ntʉʼ a nyamsə nvì zhɨ fa tsu, byeʼe ando kəshi kə nko bè ndiʼ a ngə̀ŋ yi a viʼi jèʼ əvì tsi tsu, ə vəwenə tsi tsu.

Joyn 16:15

Nò əfo ə Tìʼ ghom ə tsèm diʼ vwomə. A lə kənyʉ̀ ki a mà gàʼa la kəzhwì kə Ŋwoʼkə na vì, ə nlyɨ̀ nyʉ̀, a diʼ vwomə ə nè ə ghə̀ŋ kɨ.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 1:10

Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

Lumans 11:12

A ndiʼ ando viʼi Jus ne mbyɨ, Nyìngòŋ ə ku əghoʼ a viʼi mbyi vətsenvə. Kə lə diʼi la Nyìngòŋ ə ku li əghoʼ a viʼi ətɨm byìʼì ando viʼi Jus fəŋ li. Ghə̀ sətsen ə ku əghoʼ na ghenə a viʼi ətɨm byìʼì mə əfəŋə viʼi Jus, ghə̀ be le ku əghoʼ na yi a viʼi azhʉ̀ a viʼi Jus bwensə vi a wen a?

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Joyn 12:30

Alì, Yesò ə gàʼ a vəwenə la, “Gɨ̀ ghèn ko gàʼa ə gyamtə mo, ghə̀ gàʼa ə gyamtə ghə̀ŋ.

Ŋwàʼlə̀ Mak 6:3

Gàʼa kò ghə̀ diʼ tò no wàyn wìʼ yì a ghə̀ komə fo lə̀. A adìʼ wàyn Mèli lə̀. Gaʼa kò vəlèmə̀ və wen diʼ Jems nə̀ Josèf nə̀ Judàs bènə̀ Simon. Gaʼa kò vəlèmə̀ və wen vunə ki tsi tò no a vəghəŋ a ntìntìn.” Vəwenə gàʼ a lì, mù zìtə̀ sə bàynə̀ wen.

Matìyò 17:27

Kə diʼ tò no a lì, alì kə ko bòŋ la yowù ne vəwenə mfwisə̀ tin à yowù. Dyʉ̀ a benə̀ mo ə̀ mòʼ nsoʼ, no shʉ̀ ko a ghə̀ lyɨ tsu a mbì wu gùfə̀ shisə̀ ə̀ bòʼtə̀ chʉ̀ wen a wù a yen ko kəkas tsu. Shìsə̀ dyʉ̀ lòʼ ko kənsè yowù tsu à vəwenə.”

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

Ŋwàʼlə̀ Luk 8:3

A ndiʼ Jowanà, wì wù shyèʼ Helòd yì a və ndzàŋ nə̀ Chuzà, nə̀ Sùsana bènə̀ kyi vətsenvə no və ghoʼo. Vəwenə ngyàmtə̀ tuʼmə nə̀ Yesò wen ndzɨ̀mtə̀sə bàm wen.

Lumans 15:3

Nò tèbe Yesò ə ko ə nè kənyʉ̀ ə saŋlə to fa wen a ngeŋ. Və nyòʼ li a Ŋwàʼlə̀ Nyìngòŋ la, “Mbaʼ shisə a və telə wù tsu fəŋ li a mo a kətʉ.”

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.