2 Kolìntyàns 7:7 - The New Testament in the Babanki language

⁷ Yès ko tə nsaŋlə̀ to byìʼì məvì Taytùs, yès be tə nsaŋlə̀ ando yès ə tə zhʉ ji a ghə̀ŋ tə bwaʼa sə tyɨm ə wen fa tsu. Ghə̀ nshə̀ʼtə̀ li la ghə̀ŋ kòŋ ə yen mò nò nànto, benə ji a ghə̀ŋ ə kaynə mbyi fa tsu, be bvɨtə ə tomsə mo. Ma zhʉ̀ li nyʉ̀ a venə və be tuʼtə nè ma sə sàŋlə dyʉ̀ to nə̀ mbì.

2 Kolìntyàns 7:7 Referans Kwoze

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

2 Kolìntyàns 5:2

Vəghəŋ tsi a nse ashə̀, nyʉ̀ ə ku ngəʼ a vəghəŋ, vəghəŋ ə kòŋ la Nyìngòŋ ə zaŋsə ku ngə̀ŋ ə fi vəghəŋ akàŋ.

2 Joyn 1:4

Mà tə nsaŋlə̀ no nànto ando mà yenə vunə vyə vətsenvə və dzɨ̀mtə̀ nəmwèʼè tò ando Tìʼ ə̀ ngàʼà à vəghəŋ.

Jems 5:17

Elijà ndìʼ wìʼ tò nə̀ vəghəŋ ə̀ jɨ̀m nə̀ tyɨm ə wen no tsèm la kə ghʉ à vì kò ghʉ lù vì a tì ngwʉ̀ʼsə sətaʼ nə̀ kəbweʼkə a nse.

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

1 Tèsàlonyà 3:8

Yes ə saŋlə ə tsì luwen ko yes fwaynə tebè byìʼì ando ghə̀ŋ faŋ li sə tsi to wè və Bobo a kənyʉ̀ kə mùʼ.

1 Tèsàlonyà 3:6

Timotì bwensə li vi luwen ə shə̀ʼtə̀ ntɨmə ə jùŋ a yes la ghə̀ŋ bo choʼsə to Yesò, be kòŋ viʼi vətsenvə. Ghə̀ be ə gàʼ la ghə̀ŋ kwòʼtə̀ yes no zhʉ̀ko, a ghə̀ŋ saŋlə to alə, kòŋ ə yen yes tamə ando yo wen ə kòŋ ə yen ghə̀ŋ.

Kòlòsyàns 2:5

Ma ŋwʉ̀ʼ no məzhʉ̀ ə ntsèm ətɨmə ghomə diʼi to ghə̀ŋ no tèbe ando ma ko diʼ vəghəŋ amuʼ. Ma saŋlə ando ghə̀ŋ shɨtə tsì be saŋlə kumə ji yì a ghə̀ŋ tuʼtə ghaʼa əbyɨmə ə ghəŋə fa tsù a Klistò.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

2 Kolìntyàns 8:16

Ma ku Kəzòŋ kə Nyìngòŋ ando ghə̀ ne Taytùs sə kiʼi əkòŋ a ghə̀ŋ ando ma kiʼi.

2 Kolìntyàns 2:9

Mà tə nyoʼo ŋwàʼlə̀ a yì a ghə̀ŋ ndi yen la, ghə̀ŋ zhʉ̀ mò to nyʉ̀ ə tsèm mu lo.

Lumans 1:12

Kənyʉ̀ ki a ma gaʼa diʼ la mà vi, ə vəghəŋ və tsèm tsentə se kənyʉ̀. Mà vi, ə lɨ̀msə̀ ghə̀ŋ a ghə̀ŋ əbyɨmə, ghə̀ŋ be boŋ lɨ̀msə̀ mò a mo əbyɨmə.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Ŋwàʼlə̀ Luk 22:44

Yesò kwòʼtə̀ byìʼì zaf a ghə̀ ne a zhʉ,ghə̀ jɨ̀m nə̀ tyɨmə wenə no tsèm kəzhʉʼsə kə̀ sə shiʼi fa wenə wèn diʼ to nə̀ mənlyuŋ chomə a nse.

Matìyò 26:75

Ghə̀ mù bwènsə̀ kwòʼtə̀ ando Yesò ngàʼà à wen la “Nkə̀ʼ ne sə toŋ mu wù mo li mò aghayn la a taʼ.” No a zhʉ kò Bità fʉ̀ dyʉ̀ a kəbəŋ ə dì tsu no mwèʼè mwèʼè.

Matìyò 5:4

Mbwaʼmə dìʼ à viʼi vyi a və dì byiʼàndo Nyìngòŋ lu chɨmsə vəwenə.

1 Kolìntyàns 5:2

Ghə̀ŋ ə ghaŋsə wen byìʼì nki kənyʉ̀ alə byìʼì ghò? A ghə̀ŋ yi boŋsə diʼ ə weynə ə be ə dzɨ̀m ə shisə wìʼ a ghə̀ mwomə nki kənyʉ̀ a ghenə fa ghə̀ŋ ntìntìn

2 Kolìntyàns 1:4

Ghə̀ wye tətyɨm tə vəghəŋ a zhʉ a vəghəŋ diʼi no ngəʼ ko a yi, ndi vəghəŋ ə be wye tətyɨm tə viʼi vətsevə a zhʉ̀ a vəwenə ə yenə ngəʼ, ndə̀ŋndəŋ ando Nyìngòŋ wye tətyɨm tə vəghəŋ.

2 Kolìntyàns 7:6

Alì Nyìngòŋ yi a ghə̀ bwaʼa sə tətyɨm tə viʼi a və kaynə mbyi li, wye tyɨm ə yèsə ando Taytùs nvi a yès.

2 Kolìntyàns 7:8

Ŋwàʼlə̀ yì a ma nyoʼo a ghə̀ŋ sətsen ndiʼ mù ghə̀ŋ kù li tèbe ngəʼ a ghə̀ŋ, mu ma ko kwoʼtə la ma ko tə ndiʼ nyoʼo. Ma gàʼà li mu ma bo tə kwòʼtə̀ ali, byìʼì ando ma yen li la ghə̀ tə nè ghə̀ŋ sə diʼ nə̀ kənsù kə kətʉ to fəshinə fəzhʉ.