2 Kolìntyàns 7:11 - The New Testament in the Babanki language

¹¹ Ghə̀ŋ yen li kənyʉ̀ ki a kə fʉ li a ghə̀ŋ a ntsìnə̀sə ando ghə̀ŋ tə nsù kətʉ mu a ne Nyìngòŋ a, ghə̀ŋ fwàynə̀ Nyìngòŋ! Ghə̀ŋ yen ando ghə̀ŋ lɨbtə ə taŋ əchʉ̀ ghəŋə a. Ghə̀ŋ yen li ando kənyʉ̀ na kì ə nzafə ghə̀ŋ a. Kənyʉ̀ a kì ə tə ə nè, ghə̀ŋ sə fwàynə̀ no nànto. Ghə̀ŋ tə nkòŋ ə yen mo no nànto. Ghə̀ŋ tə sə lɨ̀mtə̀ ə nè kənyʉ̀ kumə kənyʉ̀ na kì, be sə kòŋ ə ku ngəʼ a wìʼ yi a ghə̀ nè byɨbsə kənyʉ̀. Ghə̀ŋ diʼi li to ji sə tsèm la ghə̀ŋ ko tə əkɨ kənyʉ̀ na kènkə.

2 Kolìntyàns 7:11 Referans Kwoze

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

2 Timotì 2:15

Mwòmsə̀ no nə̀ kədyòʼ kə ə nè la Nyìngòŋ yen la wù dìʼ wù ə shyèʼ yi a ghə̀ ko diʼsə kətʉ ə ne əshwèʼ ə wen, bè ziʼi tò nəmwèʼè yi a ghə̀ diʼi a ntɨm ə jùŋ ə̀ wen.

2 Kolìntyàns 7:7

Yès ko tə nsaŋlə̀ to byìʼì məvì Taytùs, yès be tə nsaŋlə̀ ando yès ə tə zhʉ ji a ghə̀ŋ tə bwaʼa sə tyɨm ə wen fa tsu. Ghə̀ nshə̀ʼtə̀ li la ghə̀ŋ kòŋ ə yen mò nò nànto, benə ji a ghə̀ŋ ə kaynə mbyi fa tsu, be bvɨtə ə tomsə mo. Ma zhʉ̀ li nyʉ̀ a venə və be tuʼtə nè ma sə sàŋlə dyʉ̀ to nə̀ mbì.

1 Kolìntyàns 5:13

A lu soʼo to Nyìngòŋ soʼo viʼi vyi a və ko diʼ a vəghəŋ a nòyn. Və nyoʼo li a Ŋwàʼlə̀ Nyìngòŋ la, “Ghə̀ŋ dzɨ̀m shisə wu byɨ yì fa ghə̀ŋ a ntìntìn.”

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.

Ŋwàʼlə̀ Jud 1:23

Ghə̀ŋ ə nsòʼ viʼi vətsenvə, shisə vəwenə fa əzhiʼ ndi Nyìngòŋ bwoŋsə vəwenə. Viʼi vətsenvə diʼ a ghə̀ŋ a ntìntìn, ghə̀ŋ diʼ ə kusə shinsə a vəwenə. Alì ghə̀ŋ ə tùʼmə̀ nə̀ vi a venə kumə nyʉ̀ ə njòsə wen ə vəwenə a bwen ali, ghə̀ŋ a nè to nə̀ vəwenə.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Efisyàns 5:11

Kə ghə̀ŋ kwen a ntsìnə̀ kəbəŋ kə fenəkə, a kənyʉ̀ kə jùŋkə zizi ko kə lu fʉ̀ fa tsù. Ghə̀ŋ ne boŋsə shisə viʼi vyi a və nə̀ nyʉ̀ a venə a ndayn.

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

2 Kolìntyàns 13:7

Yès ə jɨ̀mə̀ la ghə̀ŋ ntsi ntsìnə̀ sə jùŋsə, ko ghə̀ŋ nè mbyɨ. Yès ə ko gàʼ alə ndiʼ ghə̀ŋ sə tsi, kə ndiʼ la yès diʼ viʼi ntɨm və juŋəvə. Yès ə boŋsə kəŋ to la ghə̀ŋ ə ne kənyʉ̀ ki a diʼ kənyʉ̀ kətɨməkə no tèbe azhʉ̀ a ghə̀ŋ kwoʼtə la yès ko nè tebè shwèʼ yèsə akàyn.

2 Kolìntyàns 9:2

byìʼì ando ma kɨli la ghə̀ŋ sə bvɨtə ə gyàmtə̀. Ma tə sə zhʉ kənyʉ̀ a ki ando viʼi Màsìdonìyà gàʼ la, ghə̀ŋ viʼi Akayà tə sə bvɨtə ə ku no fa ngʉ̀sə a sə cho li. Vəwenə tə zhʉ̀ əwen vəwenə sə fwomə vəwenə sə be kòŋ no nànto ə ku.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

2 Kolìntyàns 6:4

Yès ə boŋsə diʼi to la yès diʼ viʼi shyèʼ ə Nyìngòŋ no a gho a yès ə nè. Yès ə wensə a tyi ngəʼ shisə a yès ə yenə, nə̀ a nyʉ̀ a və to, nə̀ a tənki tə nyʉ̀ a tovə ə tsenəvə və fʉ yès.

2 Kolìntyàns 2:6

Ando viʼi və ghoʼovə sə diʼ mù və soʼ li wen ə ku ngəʼ a wen, kə kwʉ̀ʼ li to alì.

1 Kolìntyàns 12:25

Kə diʼ alə̀ byìʼì ando əwèn ə diʼ to a kəfo kə mùʼ, no tèbe kəbàs kə əwèn kə kò kə tùʼmə̀ nə̀ kətsen.

1 Kolìntyàns 5:2

Ghə̀ŋ ə ghaŋsə wen byìʼì nki kənyʉ̀ alə byìʼì ghò? A ghə̀ŋ yi boŋsə diʼ ə weynə ə be ə dzɨ̀m ə shisə wìʼ a ghə̀ mwomə nki kənyʉ̀ a ghenə fa ghə̀ŋ ntìntìn

Lumans 11:20

Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Shwèʼ 17:16

Andìʼ ando Bol nkə̀ʼtə̀ Silàs wenə̀ Timotì a Atèns, ə̀ yèn la ntə̀ʼ ayì nkiʼi mənyo no nghoʼo. Kənyʉ̀ ki sə ku ngəʼ à wen no nànto.

Joyn 2:17

Ando ghə̀ ngaʼa lì, ndzɨ̀mtə̀sə bàm ə wensə mù kwòʼtə to ando və nyòʼo li a Ŋwàʼlə̀ Nyìngòŋ la, “Ma kòŋ ngə̀ŋ wù, no nànto.”

Ŋwàʼlə̀ Mak 3:5

Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

2 Kolìntyàns 7:9

Mà sə boŋsə saŋlə to sàŋlə luwen, a ko diʼ fa mbwo ma tə nyoʼo ŋwàʼlə̀, a ghə̀ŋ ghə̀ ne ghə̀ŋ sə diʼ nə̀ kənsù kə kətʉ. Ma saŋlə ando kənsù kə kətʉ ne li ghə̀ŋ kwitə ntsìnə̀ sə byɨsə ə ghə̀ŋ. Kə kə̀ʼə̀ la a tə ne Nyìngòŋ la ghə̀ŋ ndiʼ ali. Kə le diʼi la yès ko tə ne kənyʉ̀ shwè no fa mpfen.

Lumans 3:5

Viʼi vətsenvə zizi və gàʼ la ntsìnə̀sə ə byɨsə ə vəghəŋ ə boŋsə gyamtə ə ne la viʼi ə ntuʼ yenə jisə tɨməsə Nyìngòŋ. Kə sətsen ə ndiʼ ali, kə ne diʼi la Nyìngòŋ ə ko ne a akayn ando ghə̀ fwisə tin a vəghəŋ mu? Wùmə̀nsòŋ zizi ghə̀ nkwoʼtə dyʉ̀ to fa ji a ghèn.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

1 Timotì 5:20

Chəʼ ngə̀ŋ Nyìngòŋ ə ne mbyɨ, wu gham ə wen tò a ndayn ndi viʼi vətsenvə yen ə fàyn.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.