2 Kolìntyàns 7:1 - The New Testament in the Babanki language

¹ Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

2 Kolìntyàns 7:1 Referans Kwoze

1 Tèsàlonyà 4:7

byìʼì ando Nyìngòŋ ə ko tə dzàŋ vəghəŋ la vəghəŋ fʉ vi ə kumə tsi to tsì nə̀ ki ko nə̀ lʉmə to mphen. Ghə̀ boŋsə dzàŋ la vəghəŋ fʉ vi ntsi to nə̀ viʼi Nyìngòŋ.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

Jems 4:8

Ghə̀ŋ vìtə̀ boʼsə Nyìngòŋ a ghə̀ a vìtə̀ ə boʼsə ghə̀ŋ. Ghə̀ŋ shʉ avu a ghəŋə fa nyʉ̀ byɨvə ghə̀ŋ ə viʼi nè nyʉ̀ byɨvə venə. Ghə̀ŋ shʉ tətyɨm ə təŋtə fa nyʉ̀ byɨvə ghə̀ŋ a viʼi tətyɨm tə̀ bò venə.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Matìyò 5:8

Mbwaʼmə dìʼ a viʼi vyi a tətyɨm tə vəwenə tə laynə byiʼàndo vəwenə lu yen Nyìngòŋ.

1 Joyn 1:9

Vəghəŋ sətsèn ə dì a wèn byìʼì mbyɨsə vəghəŋ, Nyìngòŋ à lyesə ku ə mbyɨsə vəghəŋ ə̀ bè shʉ̀ vəghəŋ, vəghəŋ laynə fa ə mbyɨsə sətsèm, byìʼe ghə̀ dìʼ wù kənyʉ̀ kətɨməkə be diʼ wìʼ ə və nzhəʼtə̀ à wen ə wèn.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Lumans 5:20

Nyìngòŋ ə nku Əsoʼ ndi və yenə mwetə kədyòʼ kə mbyɨ, ali mbyɨ sə ghoʼ, ətyɨm ə jùŋə Nyìngòŋ ə be ghoʼ dyʉ̀ to ambì.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Hibùlù 12:28

Vəghəŋ nku li kəzòŋ a Nyìngòŋ ando ghə̀ kù li lòʼ a vəghəŋ a ghə̀ ko zizi lu nə̀ʼkə̀. Vəghəŋ ə̀ nkuʼsə Nyìngòŋ a ji yi a ghə̀ kəŋ fa tsù, gumlə Nyìngòŋ no nànto.

Hibùlù 12:23

Ghə̀ŋ boŋ li vi akəshikə kəzhɨ ə tsèntə vye vəlemə və tovə vətsenvə ashɨ Nyìngòŋ. A diʼi ntsentə viʼi və byɨməvə a Nyìngòŋ ə nyoʼ li təzhiʼ tə vəwenə a ŋwàʼlə̀ akàŋ. Ghə̀ŋ vi li ashɨ Nyìngòŋ yi a ghə̀ soʼo viʼi vətsèm. Ghə̀ŋ vi li ashɨ ə viʼi və juŋəvə vi a Nyìngòŋ ə nè li la vəwenə nlaynə kwʉ̀ʼ.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Matìyò 12:33

Yesò bè ziʼì la, “Wù sətsèn lyɨ̀ la ashɨ fəkòʼ diʼ à jùŋə ghə̀ mu wù diʼi be lyɨ̀ la fəkòʼ a fìfə diʼ fə jùŋfə, ə̀ lyɨ̀ la ashɨ fəkòʼ diʼ à byɨghə mu wù diʼi be lyɨ̀ la fəkòʼ a fìfə diʼ fə byɨfə, byìʼàndo və nə̀ nkɨ fəkòʼ tò fà yì ashɨ.

Hibùlù 6:9

Yès ə gàʼà no tèbe alə̀ a doŋ shomsə, kɨ la à diʼ a ghə̀ŋ, nyʉ̀ ə bòŋ chò fa lə byìʼì əbwoŋə yì a ghə̀ŋ kiʼi.

1 Bità 1:15

Ghə̀ŋ kɨli la Nyìngòŋ ghə̀ŋ a ghə̀ tə tsùʼtə ghə̀ŋ la ghə̀ŋ ə diʼ viʼi wen diʼ nə̀ laynə, ghə̀ŋ be diʼ ə̀ laynə no nyʉ̀ tsèm a ghə̀ŋ ə nè.

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.