2 Kolìntyàns 6:9 - The New Testament in the Babanki language

⁹ Və ki yès sə və ko kɨ, ali shɨtə kɨ yès. Viʼi yenə yès a viʼi və pfʉkəvə ali yès tsi dyʉ̀ to dyʉ̀. Və nyàblə̀ nə̀ yès, ali ko wìʼ zizi ghə̀ zhwi yès.

2 Kolìntyàns 6:9 Referans Kwoze

Lumans 8:36

Və nyòʼò li a Ŋwàʼlə̀ Nyìngòŋ la: “Yes ə ti to chʉ̀ pfʉ mətsi ə tsèm byìʼì wù. Və nyàblə̀ nə̀ yès to ando və nyàblə̀ nə̀ byisə njɨ̀ azhʉ̀ a və dyʉ̀ ə shələ.”

2 Kolìntyàns 11:6

Ma kɨli la ma ko kɨ ə gàʼ ashɨ viʼi ali, kɨ kənyʉ̀ ki a ma gàʼà. Yès sə diʼ mù yès ə diʼi li nakèn kə a ghə̀ŋ to ji sə tsèm.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

1 Kolìntyàns 4:9

Kə kə̀ʼə̀ a mò la Nyìngòŋ ə ghʉ̀ li la yès ə viʼi ntɨm ko diʼ no kəfo, diʼ ə pfʉkə ashɨ viʼi. Kə kə̀ʼə̀ la yès ə diʼ viʼi a və soʼ li ə sə diʼ ə zhwi to ashɨ ə mbyi ə tsèm boʼsə nə̀ ətsɨŋsə Nyìngòŋ sə.

2 Kolìntyàns 5:11

Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

1 Kolìntyàns 15:31

Ma ti to kəʼ pfʉ no mətsi ə ntsèm a vəlemə vwomə! Ma gàʼà alə̀, naynə kumə ghə̀ŋ byìʼì ando vye Yesò, ə Bobo vəghəŋ diʼ to kənyʉ̀ kə mùʼ.

1 Kolìntyàns 11:32

Nyìngòŋ sətsèn ə̀ soʼo vəghəŋ, a andiʼ jì ziʼi vəghəŋ ndi kə və lu soʼ ə byɨsə vəghəŋ nə̀ viʼi mbyi amuʼ.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Shwèʼ 25:26

alì kò ma lu nkiʼ no kətʉ kə kənyʉ̀ kə mùʼ ənyòʼ à fòn ghoʼo byìʼì wen. A le kənàʼ kə kənyʉ̀ a ma gaʼà la və vi nə̀ wen à ghə̀ŋ ndi ghə̀ gàʼ no tò à wù a shɨ a Fòyn Aglibà. Vəghəŋ ne soʼ nsoʼ ayì mà mu nkiʼ kənyʉ̀ a mà zì mà nyoʼ,

Shwèʼ 25:19

Vəwenə mbòŋsə̀ soʼo tò nyʉ̀ wenə̀ və Bol byìʼì jì yì a vəwenə ghoʼsə̀ Nyìngòŋ tsu, bènə̀ byìʼì wutsen a ghə̀ mpfʉ li və dzàŋə̀ wen nə̀ Yesò, alì Bol gàʼ la ghə̀ dìʼ to.

Shwèʼ 19:26

Ghə̀ŋ zhʉ li be nyen kənyʉ̀ a Bol ghèn ə nè fà ghə̀ŋ a ngəŋsə. Ghə̀ ne li nghoʼo viʼi a Efesùs nə̀ a Asìyà no vətsèm mbyɨmə la vənyìngòŋ vi a və shɨ̀tə̀ lì ko diʼ nkàyntə̀ vənyìngòŋ.

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.